प्रदेशसभा सदस्य किरणको शपथ बेलाको पहिरन यतिबेला चर्चामा 

राजबिराज, १८ पुस । प्रदेशसभा सदस्य साहको शपथको बेलाको पहिरन यतिबेला चर्चामा छ । 

मिथिलामा नयाँ दुलहीले लगाउने जस्तै पहिरनमा शपथ लिन पछि उनी अहिले चर्चामा आएकी हुन । उनले पहिरनमा आफ्नो मातृभाषा मैथिलीमा शपथ लिइन् । 

जनता समाजवादी पार्टीबाट निर्वाचित समानुपातिक प्रदेशसभा सदस्य साहको शपथको बेलाको पहिरन यतिबेला चर्चामा छ । पार्टीभित्र र बाहिर पनि उनको पहिरनबारे चर्चा चलिरहेको छ । 

मिथिला संस्कृति र मैथिली भाषीहरूले साहको पहिरन मिथिलानी नारीले परम्परादेखि लगाउँदै आएको प्रतिक्रिया दिएका छन् । “मिथिला संस्कृतिमा कुनै पनि शुभकार्य गर्दा महिला यस्तै पहिरनमा सज्जिन्छन् ,” उनीहरूको भनाइ छ । 

सोही विषयलाई लिएर कतिपय दलका नेता कार्यकर्ताले उनको पहिरनमाथि टिप्पणी समेत गरेको पाइएको छ ।