लोकेन्द्र स्मृति पत्रकारिता पुरस्कार छनौट समिति चयन

राजबिराज, १८ पुस ।  २९ औं लोकेन्द्र बुढाथोकी स्मृति पत्रकारिता पुरस्कार छनौट समिति चयन गरिएको छ । 

सोमवार नेपाल पत्रकार महासंघ सप्तरीले पूर्व अध्यक्ष विष्णु कुमार मण्डलको संयोजकत्वमा ३ सदस्य समिति चयन गरिएको हो । 

यसैगरी समितिको सदस्यहरूमा शाखाका उपाध्यक्ष बैधनाथ यादव र पूर्व उपाध्यक्ष सुधा देवलाई चयन गरिएको महासंघका सचिव रामनारायण विश्वासले जानकारी गराएको छ । 

नेपाल पत्रकार महासंघ शाखा सप्तरीले पछिल्लो २८ बर्ष देखि निरन्तर रुपमा सप्तरीका स्वर्गीय पत्रकार लोकेन्द्र बुढाथोकीको स्मृतिमा दिवस पुस २६ गते मनाउँदै आएको छ । 

महासंघले सप्तरी जिल्लालाई कार्यक्षेत्र बनाएर निर्भीक, निष्पक्ष एवम् खोजमूलक समाचार सम्प्रेषण गर्ने एक जना पत्रकारलाई पाँच हजार राशीको लोकेन्द्र बुढाथोकी स्मृति पत्रकारिता पुरस्कार प्रदान गर्दै आएको छ ।