सप्तरीमा एक पुरुषको बेवारिसे शव फेला

राजविराज, २० पुस । सप्तरीको राजविराज नगरपालिका वडा नं. १५ मुसहरनियाँ स्थित कोशी सिँचाइ नहरको भित्तामा बेवारिसे अवस्थामा एक जनाको शव फेला परेको छ । नामथर नखुलेको अन्दाजी वर्ष ६० को मधेशी मूलको जस्तो देखिने पुरुषको शव फेला परेको छ ।

श्यामलो वर्ण, उचाइ ५ फिट, कपाल फुलेको सानो, कपडा कालो रङ्गको फुल स्विटर, निलो रङ्गको हाफ भेस्ट, फिका सुन्तला रङ्गको हाफ स्विटर र रातो रङ्गको हाफ पेन्ट लगाएको, घाँटीमा तुलसीको माला लगाएको  बेवारिसे शव फेला परेको जिल्ला प्रहरी कार्यालय सप्तरीले जनाएको छ ।

शवको पहिचान गर्ने व्यक्ति कोही भएको जिल्ला प्रहरी कार्यालय सप्तरीमा सम्पर्क राख्न पनि प्रहरीले अनुरोध गरेको छ ।