प्रभु बचत तथा ऋण सहकारीको ११ औ वार्षिक साधारण सभा सम्पन्न, शेयर सदस्यलाई १५ प्रतिशत लाभांश दिने

सहकारीको संरक्षण र सम्बर्द्वनका लागि सबै एकजुट हुनुपर्नेमा जोड

राजबिराज, ३० पुस । प्रभु बचत तथा ऋण सहकारी संस्था लि. राजबिराजले आफ्नो ११ औ वार्षिक साधारण सभा सम्पन्न गरेको छ । शनिवार राजबिराज स्थित वाणिज्य संघको सभाहलमा आयोजित साधारण सभामा संस्थाले २०७९ असार मसान्त सम्मको आर्थिक वित्तिय विवरण प्रस्तुत गरेका छन् ।

सो अवसरमा संस्थाका अध्यक्ष सरफराज अंसारीले संस्थाको पूँजी तथा दायित्व १६ करोड ३० लाख ५ हजार ६२ रुपैयाँ ४७ पैसा प्रस्तुत गरेको भने बचत तथा निक्षेप १३ करोड ९५ लाख ५७ हजार १ सय ९० रुपैयाँ २५ पैसा कारोबार प्रस्तुत गरेको छ । त्यस्तै १२ करोड ७८ लाख ५४ हजार ७ सय २२ रुपैयाँ ऋण लगानी गरेको छ । ३ हजार शेयर सदस्य रहेको संस्थामा १५ प्रतिशत लाभांश दिइदै आएको संस्थाका व्यवस्थापक राजकुमार साहले जानकारी दिए । कार्यक्रममा सबिर आजमले सहकारी क्षेत्रका चुनौतीलाई सामना गर्दै करौडो कारोबार गरेको भन्दै प्रशंसा गरेका थिए ।

सभाका प्रमुख अतिथि सहकारीकर्मि तथा संस्थाका सल्लाहकार ध्रुव नारायण यादवले आर्थिक सम्पन्नता, उन्नतिमसोच परिवर्तन र सांस्कृतिक बचाउन, समाजिक न्याय र समाजिक आवश्यकता आपुर्ति गर्न सहकारीको आवश्यकता रहेको बताए ।उनले भने गरिबहरूलाई आर्थिकमा पहुँच पुरयाउन, ब्यवसाय, सेवा, आर्थिक कारोबार सहकारीको मुख्य उद्देश्य हो ।

कार्यक्रममा नेपाली कांग्रेसका युवा नेता ईर्साद अन्सारीले राष्ट्रको आर्थिक उन्नतिमा सहकारीले टेवा पुर्याएको बताए । उनले भने सहकारी सस्तो लोकप्रियताबाट नभई बलियो सामाजिक आधार भएको समुदाय केन्द्रित व्यवसाय हो, सहकारीको संरक्षण र सम्बर्द्वनका लागि सबै एकजुट भई सहकारी क्षेत्रको विकास सँगै राष्ट्र निर्माणमा अगाडि बढनुपर्नेमा जोड दिए ।

उक्त अवसरमा सहकारी डिभिजन कार्यालयका ध्रुव नारायण यादव, संस्थाका बरिष्ठ सल्लाहकार ईसार्द अन्सारी, सबिर आजम, पत्रकार नवीन गुप्ता, चन्दन यादब लगायतले शुभकामना मन्तव्य दिएका थिए ।