नेवि संघको तर्फबाट सभापतिको सम्भावित उम्मेदवार समाजवादी विद्यार्थी युनियनमा प्रवेश

राजबिराज, १८ माघ । मबिब क्याम्पस राजबिराजमा नेवि संघको तर्फबाट स्ववियु सभापतिको सम्भावित उम्मेदवार रहेको  सुनिल मंडलको नेतृत्वमा विद्यार्थीहरू जसपा आबद्ध समाजवादी विद्यार्थी युनियनमा प्रवेश गरेको छ ।

गरिब, बन्चित, उपेक्षित, सीमान्तकृत, मधेसी, आदिवासी विद्यार्थीको अधिकारको लागि लड्ने संगठन समाजवादी विद्यार्थी युनियन भएकोले म लगायतको साथीहरू स्ववियु प्रवेश गरेको नवप्रवेशी सुनिल मंडल आफ्नो सम्बोधनमा व्यक्त गरेको थियो।

पार्टी प्रवेश कार्यक्रम समाजवादी विद्यार्थी युनियन सप्तरीको जिल्ला अध्यक्ष संजय यादवको अध्यक्षता, जसपा मधेस प्रदेश सदस्य किशोर कुमार यादव केसीको प्रमुख आतिथ्य, जसपा सप्तरीको जिल्ला अध्यक्ष केदार प्रसाद यादवको विशिष्ट आतिथ्यमा आयोजित कार्यक्रममा जसपा जिल्ला उपसचिव शम्भु कुमार यादव, स्ववियु केन्द्रिय उपाध्यक्ष बिशेश्वर मंडल, स्ववियु प्रदेश सदस्य प्रतीक्षा यादव, स्ववियु जिल्ला उपाध्यक्ष रंजित यादव, स्ववियु जिल्ला सचीव बिकास मंडल, विद्यार्थी नेत रमन यादव , मो. जकौला लगायतको उपस्थित रहेको थियो ।

पार्टी प्रवेश कार्यक्रमको संचालन समाजवादी विद्यार्थी युनियन मबिब क्याम्पसको इकाई अध्यक्ष तथा केन्द्रिय सदस्य  श्याम कुमार यादवले गरेको थियो ।