सप्तरीको बोदेबर्साइनमा आगलागी हुँदा १८ लाख बराबरको क्षति

सप्तरी, ११ फागुन । सप्तरीको बोदेबर्साइन नगरपालिका वडा नम्बर १० खडकपुरमा बिहीबार दिउसो आगलागी हुँदा १८ लाख  मूल्य बराबरको क्षति भएको छ  ।

पलनु यादबको घरमा बिजुलीको तार सर्ट भई अचानक आगलागी हुँदा उनको घर र घरमा रहेका सरसामान जलेर नष्ट भएको प्रहरीले जनाएको छ । त्यस्तै छिमेकी गोहालु यादव, उमेश यादव र बिरेन्द्र यादवको घरमा रहेको फर्निचर, लत्ताकपडा, भाडा बर्तन र नगद जलेर नष्ट हुँदा करिब १८ लाखको क्षति भएको अनुमान गरिएको  छ  ।

आगलागी स्थानीयवासी र इलाका प्रहरी कार्यालय वोदेवर्साइनको टोली, शसस्त्र प्रहरी तथा शम्भुनाथ र राजबिराज नगरपालिकाबाट आएको दमकलको सहयोगमा आगो नियन्त्रणमा लिएको जिल्ला प्रहरी कार्यालय सप्तरीका डिएसपि एव प्रबक्ता नरेश कुमार सिहले जानकारी दिएका छन् ।