टेम्पु दुर्घटना हुँदा एक जनाको मृत्यु, चालक प्रहरीको नियन्त्रणमा

राजविराज, २४ फागुन । सप्तरीमा टेम्पु दुर्घटना हुँदा एक जनाको मृत्यु भएको छ भने एक जना घाईते भएका छन् ।

सप्तरीको बिष्णुपुर गाउँपालिका-१ हुलाकी राजमार्ग स्थित जमुनीमा पश्चिम बाट पूर्व तर्फ आँउदै गरेको ना ३ स ९६३० नं. को टेम्पु आज दिउसो अन्दाजी २ बजे तिर आफै अनियन्त्रित भई दुर्घटना हुँदा सप्तरीको खडक नगरपालिका-८ बिसनपुर बस्ने मो.दलिलको श्रीमती अन्दाजी बर्ष ४० की आमना खातुनकोको मृत्यु भएको हो ।

उक्त  टेम्पुमा सवार सप्तरीको बिष्णुपुर गाउँपालिका-६ कटिटोल बस्ने अन्दाजी बर्ष ५५ को लक्ष्मि राम सामान्य घाईते भएको जिल्ला प्रहरी कार्यालय सप्तरीले जनाएको छ । 

दुर्घटनाका सम्बन्धमा प्रहरीले आवश्यक अनुसन्धान गरिरहेको बताएको छ भने अटो चालक सप्तरीको राजगढ गाउँपालिका-३ नर्घो बस्ने अन्दाजी बर्ष ४७ को हरेराम मण्डल जिल्ला प्रहरी कार्यालय सप्तरीको नियन्त्रणमा रहेको छ ।