लामो समय पछि चुनाव हुनलागेपछि विद्यार्थी उत्साहित

राजबिराज, २८ फागुन । चैत ५ गते हुने स्वतन्त्र विद्यार्थी युनियन निर्वाचनको लागि श्री महेन्द्र विन्देश्वरी बहुमुखी (मबिव) क्याम्पसमा सभापति पदका लागि ५ जनाको उम्मेदवारी परेको छ । 

स्ववियु निर्वाचन समितिका अनुसार सभापति पदका लागि मात्र ५ जनाले उम्मेदवारी दर्ता गराएका छन भने प्रत्यक्ष तर्फ सभापति सहित ३८ जनाले विभिन्न पदमा उम्मेदवारी दर्ता गराएको छन । 

प्रत्यक्ष तर्फ सभापतिमा जसपा, लोसपा, नेकपा माओवादी निकट बिधार्थी गठबन्धनबाट समाजवादी बिधार्थी युनियनका रंजित कुमार यादब, सचिवमा सुनिल कुमार मण्डल र कोषाध्यक्षमा मेनुका साहले उम्मेदवारी दिएका छन । त्यस्तै नेकपा एमालेर नेकपा एस निकट गठनबन्धनबाट सभापतिमा रंजिव कुमार साह, सचिवमा सत्य नारायण चौधरी र कोषाध्यक्षमा मनिषा कुमारी साह रहेको छ । 

यसैगरी नेवि सँघवाट सभापतिमा महेश कुमार यादब, सचिवमा गजेन्द्र प्रसाद साह, कोषाध्यक्ष टिना कुमारी आनन्द रहेको छ । यसरी बिधार्थी जनमत सँघको तर्फ वाट सभापतिमा रामभजन कुमार मण्डल, सचिवमा मनोज कुमार साह, र कोषाध्यक्षमा पुरषोतम रामले उम्मेदवारी दिएको छ ।  यता आम बिधार्थी मोर्चाले डोली कुमारी दासलाई सभापति पदमा उम्मेदवारी दिएका छन  । 

यता राष्ट्रिय बिधार्थी परिषदले मबिवव क्याम्पस राजबिराजका लागी स्ववियु सचिव पदमा बिनय कुमार यादबले उम्मेदवारी दिएपनि समयमै सो पदको उम्मेदवारी फिर्ता लिएका थिए । नेकपा माओवादी, जसपा, लोसपा सिधार्थिन् संगठनको तालमेलमा स्वविय सदस्य पदमा सहमति भएपछि उम्मेदवारी फिर्ता लिएको राष्ट्रिय बिधार्थी परिषदका केन्द्रीय अध्यक्ष बिवेक कुशवाहाले जानकारी दिए । 

त्यस्तै बिधार्थी जनमत सँघका आनन्द शर्माले उपसभापति पदमा उम्मेदवारी दिएकोमा उक्त पद प्रत्यक्ष तर्फ नरहेकोले शर्माको उम्मेदवारी बदर गरेको छ । यस मबिव क्याम्पसमा १९ पदका लागि हुने स्ववियु चुनावमा प्रत्यक्षबाट १० जना र समानुपातिकवाट ९ जनाको बहुमतीय प्रणालीबाट चयन गरिने निर्वाचन अधिकृत रामअशिष यादबले जानकारी दिए । १ हजार ९ सय १४ बिधार्थी मतदाता रहेको निर्वाचन अधिकृत रामअशिष यादबले बताए । 

स्ववियु निर्वाचन पश्चात् विद्यार्थीहरूको हकहितको संरक्षण, बौद्धिक र चारित्रिक विकासका लागि कार्यक्रम तर्जुमा र कार्यान्वयन, पठनपाठनका लागि उपयुक्त वातावरण, अनुशासन कायम, रचनात्मक, तथा अतिरिक्त, क्रियाकलाप लगायतका गतिविधि उचित ढंगले अघि बढ्ने विद्यार्थीहरूको विश्वास छ । 

प्रत्यक्ष तर्फ सभापति, सचिव र कोषाध्यक्ष र सदस्यमा ७ गरी १० जनाको प्रत्यक्ष निर्वाचन प्रणाली चयन गरिने छ । यसैगरी समानुपातिक निर्वाचन प्रणालीबाट पहिला ९ जना सदस्यलाई चयन गरिने छ । यसरी प्रत्यक्ष तर्फ १० जना र समानुपातिक तर्फबाट ९ जना गरी १९ सदस्यीय कार्यसमितिको नामावली घोषण गरिने छ । 

समानुपातिकवाट आएका ९ जना मध्ये स्ववियु पदाधिकारीको पहिलो बैठकले बहुमतीय प्रणालीबाट उपसभापति र सहसचिव सहित सदस्यहरूको चयन गरिने छ । समानुपातिक तर्फ अखिल नेपाल राष्ट्रिय स्वतन्त्र बिधार्थी युनियन (अनेरास्ववियु),नेकपा एस निकट (अनेरास्ववियु) नेपाल बिधार्थी संघ, अखिल क्रान्तिकारी, समाजवादी बिधार्थी युनियन नेपाल, लोकतान्त्रिक बिधार्थी सँघ सहित ६ वटा बिधार्थी संगठनले उम्मेदवारी दिएको मबिव क्याम्पस राजबिराजका स्ववियु निर्वाचन समितिका अधिकृत रामअशिष यादबले जानकारी दिए ।