मेड इन युएसए र चाइना लेखेको पेस्तोलसहित दुई जना पक्राउ 

राजविराज, ५ चैत्र । मेड इन युएसए र चाइना लेखेको पेस्तोलसहित सप्तरीको तिलाठी कोइलाडी गाउँपालिका बाट दुई जना पक्राउ परेको छ । 

नेपाल प्रहरी र सशस्त्र प्रहरीको संयुक्त चेकिङ्ग टोलीले आइतबार सप्तरीको तिलाठी कोइलाडी गाउँपालिका वडा नम्बर १ खाडो खोलास्थित बाट उनीहरुलाई पक्राउ गरेको हो ।

पक्राउ पर्नेमा  छिनमस्ता गाउँपालिका वडा नम्बर २ महुवा बस्ने शिवनाथ रायको छोरा  वर्ष २८ को सोनु राय रहेको र  रायलाई सोधपुछ गर्दा पेस्तोल दिने अर्का युवक सप्तरीको राजबिराज नगरपालिका वडा नम्बर १ डुमरी बस्ने सुभास यादवको छोरा  वर्ष २८ को रोशन यादव समेतलाइ पक्राउ गरिएको प्रहरीले जनाएका छन् । 

प्रहरीले रायलाई चेक जाँच गर्दा कम्मरमा इलास्टिकले बाधी राखेको अवस्थामा मेड इन यूएसए र अर्को पट्टी चाइना लेखेको अटोमेटिक म्यागजिन सहितको पेस्तोल १ थान बरामद गरेको छ ।

यस सम्बन्धमा प्रहरीले आवश्यक अनुसन्धान गरिरहेको  जिल्ला प्रहरी कार्यालय सप्तरीले जनाएको छ