भन्सार कार्यालय द्वारा ८५ हजार बराबरको सरसमान बरामद

हरेकृष्ण साह, सप्तरी । राजविराज भन्सार कार्यालयबाट खटिएको टोलीले ८५ हजार बराबरको लुकाइएको अवस्थामा सरसमान  फेला पारेको छ । 

गत सोमवार राती कार्यालय प्रमुख अजय प्रकाश भगतको नेतृत्वमा भन्सार कर्मचारी, नेपाल प्रहरी र सशस्त्र प्रहरी को संयुक्त गस्ती टोलीले बेवारिस अवस्थामा सरसमानहरू बरामद गरेको हो । 

लुकाई राखेको रेडिमेड तथा थान कपडाका साथै केमिकल, रिक्साको पाङ्ग्राहरू कार्यालय नजिकै रहेको गहुँ वारीमा बेवारिसे फेला पारिएको कार्यालय प्रमुख अजय प्रकाश भगतले जानकारी गराएका छन् । फेला पारिएको सामानहरू राजविराज भन्सार कार्यालयमा दाखिला गरिएको छ । 

पछिल्लो समय देशको भन्सार बाट राजस्व असुली अपेक्षित हुन नसक्दा देशको आर्थिक अवस्था कमजोर बन्दै गएको छ भने चोरी पैठारी तस्करी नियन्त्रण चुनौती बढ्दै गएको छ ।