समाजवादी विद्यार्थी युनियन संयुक्त गठबन्धन प्यानलले निकाल्यो बिजय जुलुस

राजबिराज ।  मविब क्याम्पस राजबिराजको स्ववियु सभापतिमा जसपा निकट समाजवादी विद्यार्थी युनियनका रंजित कुमार यादब नेतृत्वको गठबन्धन प्यानल बिजय भएका छन् । बिजय संगै राजविराजमा र्‍याली निकालीएको छ ।

बिहीवार मविब क्याम्पसबाट निकालिएको विजय जुलुस राजबिराज नगरको विभिन्न ठाउँ मा पुग्दै बिधार्थी मतदातालाई धन्यवाद ब्यक्त गरेका छन ।

नवनिर्वाचित सभापति रंजित कुमार यादबले भने क्याम्पसको शैक्षिक सुधार, नियमित पठनपाठन, पुस्तकालयमा पुस्तक, क्याम्पसको नीति निर्माण सुधार सम्बन्धमा ठुलो भूमिका निर्वाह गर्ने प्रतिबद्धता जनाएका छन । 

बुधवार सम्पन्न मतगणनामा उनका प्रतिद्वन्द्वी अनेरास्ववियुका रंजिव कुमार साहलाई दोब्बर मतले पराजित गरेका छन्, उनले १ सय ९९ मत प्राप्त गरेका थिए ।यसैगरी सचिवमा गठबन्धनका सुनिल कुमार मण्डल र कोषाध्यक्षमा  मेनुका साह निर्वाचित भएका छन् । सदस्यमा बिनय यादब, मो जकाउल्लाह, रामानन्द राम, प्रकाश यादब, कंचन ठाकुर, नन्दन मण्डल र राकेश यादब निर्वाचित भएका छन्  ।

समानुपातिक तर्फ समाजवादी विद्यार्थी युनियनले २९३ मत ल्याएका छन् भने अखिल क्रान्तिकारी १३७, नेविसंघ संघ १४४ र अनेरास्ववियुले ११४ मत ल्याएका छन् । लोकतान्त्रिक विद्यार्थी संघले ५२, अनेरास्ववियु समाजवादीले ४८ मत प्राप्त गरेका छन् । यहाँ समाजवादी विद्यार्थी युनियन, अखिल क्रान्तिकारी तथा लोकतान्त्रिक विद्यार्थी संगठनले गठबन्धन गरेका थिए ।

गत चैत ५ गते सम्पन्न स्ववियु निर्वाचनको बिधार्थी संगठनहरूको विवादका कारण ४ दिन देखि रोकिएको मतगणना त्रिविको निर्देशन अनुसार तत्काल निर्वाचनको बाँकी प्रक्रिया अगाडि बढाउन आदेश गरेपछि क्याम्पस निर्वाचन समितिले बुधवार मतगणना सम्पन्न गरेको थियो। सम्पन्न मतगणनाबाट नेबिसँघका महेश कुमार यादबले ९० मत र रामभजन मण्डल जनमत विद्यार्थी संघले ७२ मत प्राप्त गरेका थिए ।