राष्ट्रिय सभा सदस्य राजबाबु द्वारा नवनिर्वाचित स्ववियु पदाधिकारी बधाई तथा सम्मान 

राजबिराज, १३ चैत्र । राष्ट्रिय सभा सदस्य तथा जसपा केन्द्रीय कार्यकारिणी समिति सदस्य मृगेन्द्र कुमार सिंह यादबले नवनिर्वाचित स्ववियु पदाधिकारीहरूलाई सम्मान गरेको छ ।

सोमवार राजबिराज स्थित निवासमा पुर्व मन्त्री यादबले  महेन्द्र बिन्देश्वरी बहुमुखी क्याम्पस राजविराज सप्तरीको स्व।वि।यु।चुनावमा संयुक्त गठबन्धनका तर्फबाट निर्वाचित पदाधिकारीहरूलाई सम्मान गरेको हो । 

जनता समाजवादी पार्टी नेपालका मधेस प्रदेश इन्चार्ज पुर्व मंत्री यादबले नवनिर्वाचित स्ववियु अध्यक्ष रंजित यादब सहितका पदाधिकारीहरूलाई गम्छा, फूलमाला लगाई सम्मान गर्दै विद्यार्थीहरूको हकहित, शैक्षिक गतिविधिलाई चुस्तदुरुस्त बनाउन भूमिका खेल्न आग्रह गर्नु भयो । 

मबिव क्याम्पसमा शैक्षिक वातावरण, अनुशासन, नियमित पठनपाठन सँगै परीक्षा प्रणालीमा सुधार, गुणस्तरीय शिक्षामा सुधार गर्न नवनिर्वाचित पदाधिकारीहरूले सक्रिय भएर काम गर्न सुझाव दिए । 

पूर्व स्ववियु सभापति तथा जसपा सप्तरी अध्यक्ष केदार यादबले नवनिर्वाचित पदाधिकारीहरूले विद्यार्थीहरूको हकहितको संरक्षण, बौद्धिक र चारित्रिक विकासका लागि कार्यक्रम तर्जुमा र कार्यान्वयन, पठनपाठनका लागि उपयुक्त वातावरण, अनुशासन कायम, रचनात्मक, तथा अतिरिक्त, क्रियाकलाप लगायतका गतिविधि उचित ढंगले अघि बढ्ने विश्वास लिएको छु । 

चैत ५ गते सम्पन्न स्ववियु अध्यक्षमा रंजित यादब, सचिवमा गठबन्धनका सुनिल कुमार मण्डल र कोषाध्यक्षमा मेनुका साह निर्वाचित भएका थिए । त्यस्तै सदस्यमा बिनय यादब, मो जकाउल्लाह, रामानन्द राम, प्रकाश यादब, कंचन ठाकुर, नन्दन मण्डल र राकेश यादब निर्वाचित भएका थिए । 

समानुपातिक तर्फ समाजवादी विद्यार्थी युनियनले २९३ मत ल्याएका छन् भने अखिल क्रान्तिकारी १३७, नेविसंघ संघ १४४ र अनेरास्ववियुले ११४ मत ल्याएका छन् । लोकतान्त्रिक विद्यार्थी संघले ५२, अनेरास्ववियु समाजवादीले ४८ मत प्राप्त गरेका छन् । 

यहाँ समाजवादी विद्यार्थी युनियन, अखिल क्रान्तिकारी तथा लोकतान्त्रिक विद्यार्थी संगठनले गठबन्धन गरेका थिए ।