भूषण सिहं 
राजविराज । सप्तरीको खडक नगरपालिकामा ट्याक्टरको थ्रेसरमा कपाल फसेपछि एक जना महिला घाइते भएका छन् ।
बुधबार बिहान अन्दाजी ११ बजेर ३० मिनेट तिर खडक नगरपालिका वडा नम्बर ८ खेस्राहा बस्ने गुदुर मियाँको श्रीमती अन्दाजी ३५ वर्षीया मैहरुम खातुन गँहु थ्रेसरमा दाउने क्रममा थ्रेसरको पटामा कपाल फसेपछि घाइते भएको जिल्ला प्रहरी कार्यालय सप्तरीले जनाएको छ ।
घाइते खातुन लाई उपचारको लागी बिराटनगरतर्फ पठाइएको तथा ट्याक्टर सहित थ्रेसर प्रहरी नियन्त्रणमा रहेको जिल्ला प्रहरी कार्यालय सप्तरीले जनाएको छ ।
फरार रहेका चालकको खोजतलास भइरहेको तथा घटना सम्बन्धमा थप अनुसन्धान भइरहेको डीएसपी नरेशकुमार सिंहले जानकारी दिए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |