पोखरालाई पराजित गर्दै सप्तरी सेमिफाइनमा प्रवेश

राजबिराज, २९ चैत्र । जनकपुरमा संचालित मेयर कप प्रतियोगितामा सप्तरीले पोखरालाई ५ बिकेटले पराजित गर्दै सेमिफाइनलमा प्रवेश गरेका छन ।

बुधवार सम्पन्न खेलमा टस जितेर पोखराले ब्याटिंग गर्दै निर्धारित २० ओभरमा ८ बिकेट गुमाएर १ सय ४ रनको योगफल खडा गरेका थिए । जसमा अभिषेक थापा ३४, कृष्ण पौडेल १५ तथा गौरब बिक र सन्दिप कार्की १४/१४ रन जोड ।

बलिंग तर्फ सप्तरी सिनियर टिमका राहुल मण्डलले किफायती बलिंग गर्दै ४ ओभरमा १७ रन दिएर ३ बिकेट र नितेश यादब, राज बर्मा समान्य १/१ बिकेट हात पारेका थिए ।

जवाफमा सप्तरी सिनियर टिमले १६ ओभरमा ५ बिकेट गुमाएर बिजयी हासिल गरेका थिए । जसमा टिमका लागी रोहन बिकले उत्कृष्ट ब्याटिङ गर्दै ३६ बलमा ८ चौकाको मदतले ४४ रन बनाएका थिए । यसैगरी टिमलाई जिताउन राहुल मण्डल २९ रन, निरज यादब १९ अविजित बनाएका थिए ।

बलिंग तर्फ पोखराका चन्द्रकान्त पौडेल ३ बिकेट र कृष्ण पौडेलले २ बिकेट लिएका थिए । खेलको म्यान अफ दि म्याच राहुल मण्डल घोषित भएको सप्तरी क्रिकेट संघका शम्भु दासले जानकारी दिए ।

सोमबार भएको दोस्रो खेलमा सप्तरीले काठमाडौँ  टिमलाई ५ रनले पराजित गर्दै बिजयी सुरुवात गरेका थिए ।