सप्तरीमा एकै रात तीन घरमा चोरी 

राजविराज । मंगलबार राति सप्तरीको छिन्नमस्ता गाउँपालिकामा तिन वटा घरमा चोरी भएको छ । छिन्नमस्ता गाउँपालिका -१ बरहीका संजय यादव , जितेन्द्र यादव र मिश्रिलाल मंडलको घरमा चोरी भएको हो ।

संजय यादवको घरबाट विदेश जानको लागि  राखिएको १ लाख ५०  हजार रुपैयाँ नगद चोरी भएको छ । त्यस्तै जितेन्द्र यादवको घरबाट सुनको मंगल शुत्र ४ आना, फुलिया २ आना, चाँदीको काडा एक पाउ, हसुलि ५०० ग्राम र मिश्रि लाल  मंडलको घरबाट १२ भरि चाँदी चोरी भएको पीडितहरूले बताएका छन् । 

सोही चोरी घटनाको अनुसन्धान गर्नको लागि इलाका प्रहरी सखडाले दुई जानालाइ नियन्त्रणमा लिएको छ । प्रहरीले घटनाबारे थप अनुसन्धान भइरहेको बताएको छ । चोरीका घटना भएपछि स्थानीय त्रसित छन् ।