मिलन डेरीको दूध संकलन केन्द्र छिन्नमस्तामा संचालन

राजविराज, ८ बैशाख । सप्तरी जिल्लाकै प्रसिद्ध मिलन डेरी  एण्ड फुड्स प्रालिले छिन्नमस्ता गाउँपालिका २ महुवामा शुक्रबार देखि दूध संकलन तथा बिक्री केन्द्र सञ्चालनमा ल्याएका छन् ।

किसानहरूले उत्पादन गरेको दूध बिक्रीका लागि बजार सहजीकरण सरल र सुलभ उद्देश्यका  साथ संकलन केन्द्र संचालन गरिएको मिलन डेरीको संचालक मिलन सिंहले बताए । 

महुवामा संचालन गरिएको दुध संकलन केन्द्रले यस क्षेत्रका किसानलाई दुध बिक्री गर्न सहुलियत भएको वडा अध्यक्ष सिकन्दर साहले बताए ।

संचालन गरिएको संकलन केन्द्रमा डेरीबाट उत्पादन हुने दही, पनिर, खुवा लगायतका परिकार विक्री गर्नै केन्द्रका इन्चार्ज शम्भु कुमार साहले जानकारी दिए ।

डेरी संचालक मिलन सिंहको अध्यक्षता तथा प्रमुख आथिती वडा अध्यक्ष सिकन्दर साहले संकलन केन्द्र उद्घाटन गरेका थिए ।