सप्तरीको रुपनीमा एक युवकको शव फेला

राजविराज, ३१ बैशाख । सप्तरीको रुपनी गाउँपालिका –१ रायपुरस्थित सडक छेउमा एक युवकको शव फेला परेको छ । शम्भुनाथ नगरपालिका–२ खैरबनाका मो. लुकमानको २१ वर्षीय छोरा मो. तफेजुलको शव फेला परेको हो ।

शनिवार बेलुका घरबाट निस्केका मो.तफेजुल आइतवार विहान अर्ध नग्न अवस्थामा मृत फेला परेको हो । घटनाबारे सुक्ष्म अनुसन्धान थालिएको जिल्ला  प्रहरी सप्तरीले जनाएका छन् । 

यता, मृतकका आफ्न्तले हत्या गरिएको दावी गर्दै घटनामा संलग्नलाई कानूनी दायरामा ल्याउन माग गरेका छन् भने उनीहरुले केही बेर राजमार्ग अवरुद्ध समेत गरेका थिए ।