रौतहटमा चट्याङ लागेर महिलाको मृत्यु

जनकपुरधाम । मधेस प्रदेशको रौतहटमा चट्याङ लागेर एकजना महिलाको मृत्यु भएको छ ।

आज मंगलबार बिहान वर्षा र हावाहुरीसँगै परेको चट्याङ लागेर मौलापुर नगरपालिका पतौरागाउँकी ३५ वर्षीया प्रतिमा देवीको मृत्यु भएको हो ।

आफ्नो गोठ नजिकैको ट्युबवेलमा पानी भर्ने क्रममा चट्याङ लागेर उनको घटनास्थलमै मृत्यु भएको इलाका प्रहरी कार्यालय मौलापुरले जनाएको छ ।