नर्सिङ कलेजको उद्घाटन, गुणस्तरीय जनशक्ति उत्पादनमा ठुलो टेवा पुग्ने : अध्यक्ष उपेन्द्र 

राजबिराज, १७ जेठ । जनता समाजवादी पार्टी (जसपा) नेपालका अध्यक्ष तथा प्रतिनिधि सभा सदस्य उपेन्द्र यादबले गजेन्द्र नारायण सिँह अस्पताल हाता  भित्र नव निर्मित नर्सिङ कलेज भवनको समुद्घाटन गरिएको छ ।  

बुधवार एक कार्यक्रम बिच अध्यक्ष यादबले तत्कालीन आफ्नो संसदीय कोषबाट ६ करोडको लागतमा निर्माण गरिएको नर्सिङ कलेजको उद्घाटन गरिएको हो । दुई तल्लाको भवनमा १४ वटा कोठा, ४ वटा शौचालय रहेको छ । उपेन्द्र यादवको संसदीय कोषको रू ६ करोड ९२ लाख २१ हजार ११९ को लागतमा यो भवन निर्माण गरिएको छ । 

सो अवसरमा अध्यक्ष यादवले कलेजले गुणस्तरीय जनशक्ति उत्पादनमा ठुलो टेवा पुग्ने विश्वास व्यक्त गरे, उनले भने कलेजमा चाडै पठनपाठन सुचारू हुँदै रामराजा स्वास्थ्य विज्ञान प्रतिष्ठानमा बिस्तारै गाभिने बताए । 

अध्यक्ष यादबले रामराजा स्वास्थ्य विज्ञान प्रतिष्ठानको निर्माण कार्य चाडै अगाडि बढ्ने प्रतिबद्धता जनाए । यस अस्पतालमा अति विशेषज्ञ सेवा प्रदान गर्ने सबै मिलेर विकास गर्न अग्रसर हुनुपर्नेमा जोड दिए । 

सो अवसरमा प्रतिनिधि सभा सदस्य रन्जु ठाकुरले रामराजा स्वास्थ्य विज्ञान प्रतिष्ठानको काम चाडै अगाडि बढ्ने विश्वास व्यक्त गरिन, उनले गुणस्तरीय उत्पादन, गुणस्तरीय सेवाको आवश्यकता सँगै उत्पादन र सेवा, मानवको गुणस्तरीयता कसरी बढाउन तथा प्रभावकारी र सुशासन कायम गर्ने तर्फ जोड दिइनँ । 

उक्त अवसरमा राजबिराज नगरपालिका कावा नगरप्रमुख ईसरत प्रविणले अस्पतालका मेसु डा प्रकाश कुमार साहलाई नवनिर्मित नर्सिंग कलेजको हस्तान्तरण गरिएको छ ।  मेसु डा प्रकाश साहले नर्सिङ कलेज निर्माण कर्मचारी र जनशक्तिको व्यवस्थापनको आवश्यकता रहेको बताए । 

उपकरण भएपनि उपकरण चलाउने कर्मचारी नभएको कारण अस्पताल संचालनमा समस्या उत्पन्न भएको गुनासो गरे। उनले भने जनशक्ति भएमा एक हप्ता भित्र अस्पतालमा आइसीयु सेवा संचालनमा ल्याइने बताए । 

प्रमुख जिल्ला अधिकारी भुपेन्द्र थापाले गजेन्द्र नारायण सिँह अस्पतालमा पूर्वाधार भएपनि व्यवस्थापन र सरसफाइको अवस्था लथालिंग रहेकोले बताए । अस्पतालमा चिकित्सकको नियमित उपस्थित नहुदाँ  सेवाग्राहीहरू सेवा लिनबाट बञ्चित हुने गरेकोले यसको व्यवस्थापन गरी छिटोछरितो सेवा दिन तर्फ सरोकारवाला निकायहरू गम्भीर हुनुपर्नेमा जोड दिए । उनले भने नर्सिङ कलेज स्थापनाले सप्तरीमा गुणस्तरीय जनशक्ति उत्पादनमा ठुलो टेवा पुग्ने बिश्वास व्यक्त ग रे । 

यसैगरी नेपाल पत्रकार महासँघ सप्तरी अध्यक्ष श्रवण देवले भवन निर्माण सँगै पठनपाठनको सुचारू भई गरिव, बिपन्नका छोराछोरीले कम शुल्कमा पढन पाउनुपर्नेमा जोड दिए । 

राजबिराज नगरपालिकाका कावा नगरप्रमुख ईसरत प्रविणको अध्यक्षतामा आयोजित कार्यक्रमको संचालन स्वास्थ शाखा प्रमुख निरन्जन यादबले गरेका थिए भने स्वागत मन्तब्य राजबिराज नगरपालिका वडा २ का अध्यक्ष अरूण यादबले गरेका थिए ।