प्रिमियर लिगमा राजबिराज वडा ३ र लायन्स बिजयी

राजबिराज, ३०  जेठ । राजबिराज प्रिमियर लिगको पाँचौ संस्करणको वडास्तरिय खेलमा लायन्स र राजबिराज वडा ३ बिजयी भएका छन ।

मंगलवार सम्पन्न दुई वटा खेलमा राजबिराज वडा ३ ले तिलाठीलाई ९८ रनले तथा लायन्स क्रिकेट टिमले बरहीलाई २८ रनले पराजित गर्दै बिजय भएको हो ।

तिलाठी र राजबिराज ३ बिच खेलमा राजबिराज ३ ले टस जितेर  २० ओभरमा ९ बिकेट गुमाएर १सय ९१ रनको योगफल खडा गरेका थिए भने प्रतिउतरमा तिलाठीले १९ अभर २ बलमा सबै बिकेट गुमाई ९३ मात्र बनाएका थिए । खेलको म्यान अफ दि प्लेयर रोबिन सिँह घोषित भएका थिए ।

यसैगरी लायन्स र बरही टिम बिच भएको दोस्रो खेलमा लायन्सले निर्धारित ५ ओभरमा २ बिकेट गुमाई ७० रनको योगफल बनाए भने प्रतिउतरमा बरहीले ४ ओभरमा ४२ रन मात्र बनाउन सकेका थिए ।

खेलको म्यान अफ दि प्लेयर अमित यादब घोषित भएका थिए भने दुबै खेलका पुरस्कृत खेलाडीलाई सप्तरी क्रिकेटका उपाध्यक्ष धर्मेन्द्र चौधरी र लायन्स कल्वका संस्थापक संजय सिँह कार्कीले कप प्रदान गरेका थिए।