कोसी व्यारेजमा आगलागी हुदा दुई लाख बराबरको क्षती

राजविराज, ३० जेठ । सप्तरीको हनुमाननगर कंकालिनीमा आगलागी भएको छ । हनुमाननगर कंकालिनी नगरपालिका -१ कोसी व्यारेज बस्ने क्ष्मण कुमार मण्डलको घरमा आगलागी भएको हो ।

मंगलबार गोठमा मच्चछर धपाउन बालेको घुर बाट अचानक आगलागी हुदा गोठ र घर पुर्ण रुपमा जलेर नष्ट भएको प्रहरीले जनाएको छ ।

आगलागी बाट घरमा रहेको धान, गहु, लगायतको मालसमान जलेर नष्ट हुदा दुई लाख बराबरको क्षति भएको जिल्ला प्रहरी कार्यालय सप्तरीले जनाएको छ ।

स्थानीयबासी,हमुमाननगर कंकालिनि नगरपालिका र कंचनरुप नगरपालिकाको दमकलको सहयोगमा आगो नियन्त्रणमा लिएको सप्तरीका प्रहरी प्रबक्ता डिएसपी नरेश कुमार सिंहले जानकारी दिए ।