आरपिएल वडा स्तरीय प्रतियोगिताको उपाधि राजबिराजको वडा ३ ले चुमे

राजबिराज, १ असार । राजबिराज ५ द्वारा संचालित वडास्तरिय क्रिकेट प्रतियोगिताको उपाधि राजबिराज ३ ले चुमेका छन् । 

लायन्स कल्वको आयोजनामा तथा राजबिराज ५ को सहयोगमा आयोजित वडा स्तरीय क्रिकेट प्रतियोगिताको फाइनल खेलमा लायन्स क्रिकेट टिमलाई ३ बिकेट पराजित गर्दै राजबिराज वडा नम्बर ३ ले उपाधि माथि कब्जामा जमाएको हो । 

लायन्स कल्वले दिएको १ सय ५ रनको योगफल पछयाउने क्रममा राजबिराज वडा ३ ले आफ्नो ७ बिकेट गुमाएर विजेता बनेका छन् । जितका लागि राजबिराज ३ का बिकास दासले उत्कृष्ट ब्याटिङ गर्दै अविजित ३४ रन बनाएपछि जित सहज भएको थियो । यसैगरी अर्का ब्याटर रोबिन सिँहले २३ रन र विशाल यादबले ११ जोडेका थिए । 

लायन्सले टस जितेर १९ ओभर ५ बलमा १ सय ५ रनको योगफल खडा गरेका थिए । जसमा नितेश यादब २१ अभिषेक कार्कीले १९ र राहुल बिक र पप्पु यादबले १८/१८ रन बनाए ।  बलिंग तर्फ राजबिराज ३ का रोबिन सिह र बिकास दासले २/२ बिकेट र बिबेक यादबर पप्पु यादबले १र१ बिकेट लिएका थिए । 

खेलको प्लेयर अफ द फाइनल बिकास दास घोषित भएका थिए । सो प्रतियोगितामा म्यान अफ दि सिरिज रोबिन सिँह, बेस्ट बलर पप्पु यादब वेस्ट ब्याटर चित्र बहादुर बिष्ट घोषित भएका थिए । 

उक्त अवसरमा राजबिराज नगरपालिका कावा नगरप्रमुख ईसरत प्रविण, राजबिराज वडा ५ का अध्यक्ष बन्धु दास, वडा ३ का अध्यक्ष अनिल दास, सप्तरी क्रिकेट सँघका उपाध्यक्ष धर्मेन्द्र चौधरी, अम्पायर सँघका अध्यक्ष निरज सिँह लगायत लगायतले बिजेता तथा उपविजेतालाई शिल्ड, कप, मेडल, प्रमाणपत्र प्रदान गरेका थिए भने कार्यक्रमको संचालन उज्जवल यादबले गरेका थिए । 

प्रतियोगिताको विजेता टिमलाई नगद ५० हजार र उपविजेतालाई २५ हजार नगद पुरस्कार दिएको लायन्स कल्वका प्रतियोगिता संयोजक गजेन्द्र माझीले जानकारी दिए ।