राजविराज मेयर गोल्डकप फुटबल प्रतियोगिताको उपाधि उदयपुरले उचाल्यो

राजविराज, १६ असार । जिल्ला फुटबल संघ सप्तरीद्वारा संचालित प्रथम राजविराज मेयर गोल्डकप फुटबल प्रतियोगिताको उपाधी मलिथम फुटबल क्लब उदयपुरले चुमेको  छ । राजविराजस्थित राजरंगशालामा शनिबार सम्पन्न फाईनल खेलमा धनुषा जिल्ला फुटबल क्लब जनकपुरलाई ०–२ गोलअन्तरले पराजित गर्दै उदयपुरले उपाधि जितेको हो ।

प्रतियोगिताका उपाधि विजेता मलिथम फुटबल क्लब उदयपुरले नगद एक लाख ५० हजारको साथमा शिल्ड, मेडल र प्रमाणपत्र प्राप्त गरेको छ । प्रतियोगिताको उपविजेतामा चित्त बुझाउन बाध्य भएको धनुषा जिल्ला फुटबल क्लब जनकपुरले नगद एक लाखको साथमा कप, मेडल र प्रमाणपत्र प्राप्त गरेको छ । 

जिल्ला फुटबल संघ सप्तरीका अध्यक्ष राज कुमार परियारको अध्यक्षतामा आयोजित कार्यक्रममा विजेता तथा उपविजेता टिमलाई राजविराज नगरपालिकाका कार्यवाहक मेयर इसरत परविनले पुरस्कार प्रदान गरिन । खेलमा वेस्ट गोलकिपर, डिफ्रेन्स, स्कोलर, मिड फिल्डर र सर्वोत्कृष्ट खेलाडीलाई नगद ५ हजारको दरले पुरस्कार प्रदान गरिएको जिल्ला खेलकुद विकास कार्यालय सप्तरीका प्रमुख दिनेश भुजेलले जानकारी दिए ।

कार्यक्रम पुर्व खेलाडीहरूलाई समेत सम्मान गरिएको जिल्ला फुटबल संघ सप्तरीका अध्यक्ष राजकुमार परियारले जानकारी दिए ।