मेहताको नेतृत्वमा नेल्टा सप्तरीको नयाँ कार्यसमिति चयन

राजविराज, २३ असार । नेपाल अंग्रेजी शिक्षक एशोसिएसन (नेल्टा) सप्तरीको नयाँ कार्यसमिति चयन भएको छ । कार्यसमिति अध्यक्षमा लक्ष्मण मेहता सर्वसम्मतले चयन भएका छन् ।

नेल्टाको शनिबार सम्पन्न तेस्रो साधारणसभाले आगामी कार्यकालका लागि मेहताको अध्यक्षतामा सर्वसम्मतले ११ सदस्यीय नयाँ कार्यसमिति चयन गरेको हो । नयाँ कार्यसमितिको उपाध्यक्षमा अरहुल कुमारी साह, सचिवमा चन्द्रशेखर देव, उप सचिवमा चुनचुन यादव र कोषाध्यक्षमा भगवती प्रसाद चौधरीलाई चयन गरिएको छ ।

त्यसैगरी सदस्यहरूमा शिबनन्दन मण्डल, शिबनारायण चौधरी, रबीन्द्र यादव, किरण यादव, जियाबुल हक र राजदेव यादव चयन भएका छन् भने सल्लाहकारहरूमा रामचन्द्र यादव, विश्वनाथ यादव, महेशराज चौधरी, रामअधिन साह र रबीन्द्र कुमार साहलाई चयन गरिएको सचिव देवले जानकारी दिए ।