राजबिराज नगरपालिकामा कमिसन नदिएपछि भुक्तानी रोकियो, कार्यालयमा तालाबन्दी र धर्ना

राजविराज, २५ असार । राजबिराज नगरपालिकाका प्राविधिकलाई कमिसन नदिएको भन्दै उपभोक्ताहरूको भुक्तानी रोकी दिएपछि उपभोक्ताहरूले तालाबन्दी गरेका छन् । 

अन्तिम समयमा प्राविधिहरूले सम्पन्न काममा कमिसन माँगेको र सो नदिदाँ बनिसकेको चेक नपाएको उपभोक्ता समितिका बिनोद यादबको आरोप छ । 

राजबिराज नगरपालिकाले सडक बोर्डका योजना, ससर्त अनुदान अन्तर्गतका योजना, वडास्तरीय योजनासहितका विभिन्न योजनामा काम सम्पन्न भइसकेको भन्दै भुक्तानी नदिएको आरोप लगाउँदै उपभोक्ताहरू धर्ना बसेको हो । 

काम सम्पन्न भइसकेको छ तर अनुगमन गरेर भुक्तानी दिएनन् उपभोक्ता अनिल देवले भने, ऋण सापटी र उधारोमा सामान खरिद गरी काम गरे अहिले भुक्तानी नदिएर नगरपालिकाले अलपत्र पारे  ।

चालु आर्थिक वर्षको भुक्तानीको चेक काट्ने समय असार २४ गते आइतबार राति १२ बजेसम्म को थियो ।