Memo Khabar 
जनकपुरधाम । नेपाल–भारत सीमा क्षेत्रमा पर्ने धनुषाको मुखियापट्टि मुसहरनिया गाउँपालिका–२ स्थित दशगजा क्षेत्रमा एक महिलाको गोली हानी हत्या भएको छ ।
शनिबार राति करिब साढे ८ बजे मोटरसाइकलमा आएका दुई जना व्यक्तिले ३५ वर्षीया महिलालाई गोली प्रहार गरी हत्या गरेका जिल्ला प्रहरी कार्यालय धनुषाले जनाएको छ ।
महिलालाई दुई राउन्ड गोली लागेको र उनको घटनास्थलमै मृत्यु भएको थियो । मृतक महिलाको पहिचान खुल्न नसकेको धनुषा प्रहरीले जनाएको छ ।
घटनाको अनुसन्धान र हत्यामा संलग्नको खोजीमा नेपाल प्रहरी र भारतीय प्रहरीले समन्वय गरिरहेका छन् ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |