पत्रकार माथि हुने ज्यादती को बिरूद्व एकजुट भएर अगाडि पढ्नुपर्नेमा जोड

राजविराज, १७ साउन । सप्तरीमा केही दिन यता पत्रकारहरू माथि हुने हमला, दुर्व्यवहारको बिरूद्वमा सबै एकजुट हुनुपर्नेमा सहभागीहरूले जोड दिएका छन् ।

बिहीवार नेपाल पत्रकार महासँघ सप्तरीको सभाहलमा आयोजित नेपाल प्रेस युनियनको सातौ जिल्ला अधिवेशनको उद्घाटन सत्रमा सो कुरा बताएको हो ।

उक्त अवसरमा प्रेस स्वतन्त्रता सेनानी बैधनाथ झाले संचारकर्मि माथि हुने हमला, अन्याय, अत्याचारको सम्बन्धमा राजनीतिकदलहरू, प्रेस संगठनहरू, गम्भीरता पुर्वक लिन आग्रह गरेको छ ।

कार्यक्रमका विशिष्ट अतिथि दिनेश यादबले संघिय संसद दिनेश यादबले सप्तरीको पत्रकारिता मर्यादित र सुरक्षित बनाउन गम्भीर रहेको बताए । उनले भने पत्रकारले आचारसंहिताको दायरामा बसेर कलम चलाउन आग्रह गर्दै पत्रकारको सुरक्षा र पेशागत मर्यादालाई व्यवस्थित गर्न आफू साथ रहेको प्रतिबद्धता जनाएका छन्।

कार्यक्रममा नेपाल प्रेस युनियनका केन्द्रीय अध्यक्ष शिव लम्सालले आम पत्रकारिता र प्रेसमा देखिएको समस्यालाई समाधान गर्न जिल्ला समितिहरू सक्रिय बनाउन लागेको बताए । प्रेस युनियनको हितमा इमान्दारिता पूर्वक सङ्गठनलाई मजबुत बनाउन पर्नेमा जोड दिइदै यस वर्षको ३ हजार पत्रकारलाई तालिम दिने लक्ष्य रहेको बताए ।

नेपाल प्रेस युनियन सप्तरीका अध्यक्ष श्रवण देवको अध्यक्षतामा आयोजित कार्यक्रममा बरिष्ठ पत्रकार अनिल अनल, नेपाल प्रेस युनियनका अनिल कर्ण, नेपाल पत्रकार महासँघ केन्द्रीय सदस्य ललिता साह, शाखा सप्तरी पुर्व अध्यक्ष तथा मधेश प्रदेश नेपाल प्रेस युनियनका उपाध्यक्ष धिरेन्द्र प्रसाद साह, नेपाल पत्रकार महासँघ शाखा सप्तरी सचिव रामनारायण बिश्वास, प्रेस युनियनका केन्द्रिय प्रतिनिधि लोकराज अवस्थी, प्रेस मंचका अध्यक्ष भूषण सिँह, समाजवादी प्रेस संगठनका अध्यक्ष अनिल पोखरेल, प्रेस संगठनका अध्यक्ष दिनानाथ यादब, प्रेस युनियनका अर्जुन प्रसाद साह, तरूण दल केन्द्रिय सदस्य खगेन्द्र कर्ण लगायतले प्रेस स्वतन्त्रताको ग्यारेन्टी तथा पत्रकार माथि हुने ज्यादती को बिरूद्व एकजुट भएर अगाडि पढ्नुपर्नेमा जोड दिए भने कार्यक्रमको संचालन बिनय कर्णले गरेका थिए ।