चन्दन यादब 
राजबिराज, २५ साउन । सप्तरी प्रमुख जिल्ला अधिकारी भुपेन्द्र थापाले जारी गरेको उर्दी बिरूद्वमा सप्तरीका पत्रकारहरू आन्दोलनमा उत्रिएका छन् ।
संचारकर्मिहरूले जिल्ला प्रशासन कार्यालय सप्तरीको मुख्य गेटमा पत्रकाहरु बिहीबार धर्नामा बसेका हुन् । प्रशासन कार्यालयले बुधबार एक सूचना जारी गर्दै फोटो र भिडियो नखिच्न उर्दी जारी गरे पछि यहाँका पत्रकारहरू न्दोलमा उत्रिएको हो ।
सप्तरीका सहायक प्रमुख जिल्ला अधिकारी लेवन काश्यप अधिकारीले बुधबार सूचना जारी गर्दै बिना अनुमति प्रशासन कार्यालय परिसरको फोटो, भिडियो खिची समाजिक सञ्जाल, अनलाइन तथा पत्रपत्रिकामा राख्न नपाइने सूचना जारी गरेको थियो ।
प्रशासन कार्यालय सप्तरीको उक्त सूचना संविधानप्रदत्त पूर्ण प्रेस स्वतन्त्रताको ग्यारेन्टीविरुद्ध भएको नेपाल पत्रकार महासंघ सप्तरीले ठहर गर्दै बिहीबारदेखि आन्दोलन सुरु गरेको हो । नेपाल पत्रकार महासंघ सप्तरीको कार्यालय अगाडिबाट बिहीबार निस्केको पत्रकारहरूको विरोध र्याली राजविराज नगरका विभिन्न भागको परिक्रमा गर्दै जिल्ला प्रशासन कार्यालयको मूल गेट अगाडि एक घन्टा धर्ना दिएको थियो ।
धर्नापछि आयोजित कोणसभामा पत्रकारहरूले सप्तरीका सीडीओे संविधानप्रदत्त पूर्ण प्रेस स्वतन्त्रताको हकलाई कुण्ठित गर्ने कार्य गरेकोले कारबाहीको माग गरेका थिए । नेपाल पत्रकार महासंघ सप्तरीका अध्यक्ष श्रवणकुमार देवले जिल्ला प्रशासन कार्यालयको पछिल्लो सूचनाले स्वतन्त्र रुपमा पत्रकारिता गर्न जिल्लामा असुरक्षा उत्पन्न भएको हुँदा जारी भएको उर्दी फिर्ता सँगै क्षमा सहितको सूचना जारी नहुन्जेल शुक्रबारदेखि थप कडा आन्दोलन गर्ने चेतावनी दिए ।
उक्त धर्ना कार्यक्रममा नेपाल पत्रकार महासँघ केन्द्रिय सदस्य ललिता साह, पूर्व केन्द्रीय सदस्य अबधेश झा, शाखा अध्यक्ष श्रवण देव, उपाध्यक्ष बैधनाथ यादब, प्रेस युनियनका अध्यक्ष बिनय कर्ण, प्रेस मञ्चका अध्यक्ष भूषण सिँह, प्रेस सेन्टरका उपाध्यक्ष बिन्दु यादब, प्रेस चौतारी डम्वर राई लगायतले मन्तव्य राखेका थिए भने कार्यक्रम संचालन सचिव रामनारायण बिश्वासले गरेका थिए।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |