सप्तरीमा चामलको बोरा भित्रबाट लागू औषध बरामद, दुई जना पक्राउ

राजविराज । सप्तरीको वलान बिहुल गाउँपालिकामा चामलको बोराभित्र लागू औषध बरामद भएको छ ।

भारतीय सीमा क्षेत्र हुँदै पूर्व पश्चिम राजमार्गतर्फ आइरहेको स. १ ह ३६८६ नम्बरको अटोलाई बलान बिहुल गाउँपालिका -१ मा रोकेर चेकजाँच गर्दा दुई वटा बोरामा चामलको बीचमा तीनवटा प्लास्टिकको झोलामा राखिएको अवस्थामा लागूऔषध भेटिएको प्रहरीले जनाएको छ ।

डाइजेपाम १ हजार १ सय ७५ एम्पुल, फेनारगन १ हजार १ सय ७५ एम्पुल र वुप्रेन १ हजार सय ७५ एम्पुल बरामद भएको प्रहरीको भनाई छ । यता लागूऔषध भित्र्याउने अटो चालक राजेन्द्र राम र अटोमा चामल बोरा राख्ने हरिहर यादवलाई पक्राउ गरिएको जिल्ला प्रहरी कार्यालय, राजविराजले जनाएको छ ।