पहिचान नखुलेको सप्तरीमा एक पुरुषको शव फेला

राजविराज । सप्तरीको सुरुंगामा एक जना पुरुषको शव फेला परेको छ । सुरुंगा नगरपालिका वडा नम्बर -४ टोलनजिक रहेको पोखरीमा  शव फेला परेको हो ।

कदमाहा टोलभन्दा तीन सय मिटर पश्चिममा रहेको पोखरीमा पहिचान नखुलेको ४०/४५ वर्षका पुरुष मृत अवस्थामा  फेला परेको प्रहरीले जनाएको छ ।

जिन्सको पाइन्ट र भेस्ट लगाएको, मंगोलियन अनुहार, पाँच फिट तिन इन्च उचाइ, हातमा तीन वटा स्टारको आकारको ट्याटु भएको व्यक्तिको शव भेटिएको प्रहरीले जनाएको छ ।

शवलाई पोस्टमार्टमका लागि प्रादेशिक अस्पताल लहान पठाइएको र थप अनुसन्धान भइरहेको प्रहरीले जनाएको छ ।