राजविराजमा गणेश चतुर्थी भव्यता साथ सम्पन्न

राजविराज ।  सप्तरीको राजविराज नगरपालिका -६ मा रहेको गणेश मन्दिरमा गणेश चतुर्थीको अवसरमा विभिन्न कार्यक्रम गरि भव्यताका साथ मनाएका छन् ।

गणेश चतुर्थीलाई भव्यताका साथ मनाउन  मन्दिर व्यवस्थापन अगुवाले दुई दिने पूजापाठ लगायत विभिन्न कार्यक्रमको आयोजना गरि मनाएको स्थानीय ईन्द्र भुषण सिंहले जानकारी दिए ।

 गणेश चतुर्थीको अवसरमा मन्दिर प्राङ्गणमा २४ घण्टे अष्टजाम, दीप प्रज्वलन, गणेश अभिषेक लगायतका कार्यक्रम गरि मनाएको व्यवस्थापनमा रहेका मोकेन्द्र कुमार यादवले जानकारी दिए । 

राजविराजमा रहेको अति नै पुराना गणेश मन्दिरमा गणेश चतुर्थी मनाउन सबैको सहयोग र साथका  यस वर्ष  पाँच टोली सहितको २४ घण्टे अष्टजाम, गणेश जीको अभिषेक, १ लाख २५ हजार  दीप प्रज्वलन सहितको कार्यक्रम गरि मनाएको अर्का व्यवस्थापनका अगुवा शैलेन्द्र चन्द्र झाले जानकारी दिए ।

दुई दिने गणेश चतुर्थी आयोजनाका लागि  ३ जना पुजारी सहितको विभिन्न पूजापाठ गरि सम्पन्न गरेको झाले बताए ।