छिन्नमस्ता माताको मुकुटमा दाताको नाम लेखेको सर्वत्र विरोध पछि पुनः पुरानै मुकुट राखिँदै

राजविराज । धर्मशास्त्र अनुसार तपाईंले दान कसलाई र कति दिनुभएको छ भन्ने कुरा अरु कसैलाई पनि भन्नु हुँदैन । तपाईंले फलानोलाई यति दान गरेँ भन्दै हिँड्नु भयो भने त्यो दानको फल प्राप्त हुदैन ।

तर सप्तरीको छिन्नमस्ता गाउँपालिकामा अवस्थित रहेको छिन्नमस्ता शक्तिपीठमा एउटा दाताले छिन्नमस्ता माताको मुखुटोमा आफ्नो नाम लेखाएर दान दिएको कुरा बाहिर आएपछि सर्वत्र आलोचना भएको छ । मुखुटो (मुकुट) मा कृष्ण मुरारी प्याकुरेल, गोपी राज प्याकुरेल, राधा प्याकुरेल र शंकर प्याकुरेल गरि चार जनाको नाम लेखिएको छ ।

स्थानीय एक जनाले भन्छ माताको मुकुटमा यसरी नाम लेखाएर दान दिनु यो दान होइन यो आफ्नो प्रचार गर्न खोजेको हो । हाम्रा पितापुर्खाले कहिल्यै भनेनन् वा सिकाएनन् कि दान दिएपछि झ्याली पिटेर त्यसबारे हल्ला गर्नुपर्छ । दान कसलाई दिइयो, कसरी दिइयो, कति दिइयो भन्ने कुरा खुलाउनुपर्छ भनेर उनीहरूले कहिल्यै भनेनन् । बरु, यो गोपनीयता अपनाउनुपर्ने विषय ठाने । अर्थात यदि कसैले दान दिइन्छ भने त्यो कुरा गोप्य राख्नुपर्छ ।

यदि दान दिएको कुरा गोप्य राखिदैन, कसैलाई सहयोग गरिन्छ र  त्यसको झ्याली पिट्दै हिँडिन्छ भने त्यसमा हाम्रो स्वार्थ लुकेको हुन्छ । दम्भ लुकेको हुन्छ । स्वार्थ एवं दम्भ राखेर दान दिनु सार्थक कर्म होइन ।

सामाजिक सञ्जालमा चर्को आलोचना भएपछि पुनः पुरानै मुकुट राखिने मन्दिर समितिको भनाइ छ ।