प्रेस युनियन सप्तरीका नवनिर्वाचित कार्यसमितिको पदस्थापन सम्पन्न

राजविराज । नेपाल प्रेस युनियन सप्तरीका नवनिर्वाचित कार्यसमितिका पदाधिकारी र सदस्यहरूको पदस्थापन समारोह सम्पन्न भएको छ । 

शनिबार नेपाल पत्रकार महासंघ सप्तरीको सभा हलमा आयोजित समारोहमा प्रेस युनियन सप्तरीका नवनिर्वाचित अध्यक्ष विनय लाल कर्ण , उपाध्यक्षद्वय नविन गुप्ता र ललिता साह, सचिव रमानन्द देव, सह सचिव परिस कर्ण, कोषाध्यक्ष रामनारायण यादव सहितका पदाधिकारी र सदस्यहरूलाई प्रमाणपत्र प्रदान गरि पदस्थापन गराएका हुन् ।

त्यस अवसरमा कार्यक्रमकाका प्रमुख अतिथि नेपाली काँग्रेस मधेश प्रदेशका सह महामन्त्री विन्दु कुमारी यादव र प्रेस युनियनका निवर्तमान अध्यक्ष श्रवण देवले संयुक्त रुपमा नवनिर्वाचित पदाधिकारी र सदस्यहरूलाई टिका लगाउनुका साथै गम्छा ओढाएर प्रमाणपत्र प्रदान गरेका थिए ।

प्रेस युनियन सप्तरीका निवर्तमान अध्यक्ष श्रवण देवको अध्यक्षतामा भएको पदस्थापन समारोहलाई नेपाली काँग्रेसका जिल्ला सचिव सनत मण्डल, प्रेस युनियनका केन्द्रिय सदस्यद्वय मिथिलेश यादव र सुधा देव, प्रेस युनियनका मधेश प्रदेशका उपाध्यक्ष तथा नेपाल पत्रकार महासंघ शाखा सप्तरीका पूर्व अध्यक्ष धिरेन्द्र प्रसाद साह, प्रेस मंच नेपालका सप्तरी अध्यक्ष भूषण सिह , नेपाल पत्रकार महासंघ शाखा सप्तरीका पूर्व अध्यक्ष मुर्ली यादव, निर्वाचन समितिका गणेश लाल देव, नेपाली काँग्रेस सप्तरीका ट्रेड युनियन अध्यक्ष मनोज मण्डल लगायतले सम्बोधन गरेका थिए ।

कार्यक्रम सञ्चालन प्रेस युनियनका निवर्तमान सचिव शैलेन्द्र सिह र नवनिर्वाचित सचिव रमानन्द देवले संयुक्त रुपमा सञ्चालन गरेका थिए ।