मैत्रीपूर्ण महिला क्रिकेटमा राजबिराज विजय

राजबिराज । वडा दशैँको अवसरमा खडक नगरपालिका र राजबिराज नगरपालिका महिला क्रिकेट टिम बिच भएको मैत्री पूर्ण टि ट्वान्टी क्रिकेट प्रतियोगितामा राजबिराज महिला क्रिकेट टिम ४० रनले विजय भएका छन् ।

शनिवार सबल नेपालको सहयोगमा खडक नगरपालिका स्थित लालपट्टी खेलमैदानमा आयोजित मैत्रीपूर्ण  खेलमा टस जितेर राजबिराज ब्याटिंग गर्दै निर्धारित २० ओभरमा १ सय रन बनाएका थिए ।

प्रतिउत्तरमा खडक नगरपालिका महिला टिमले सबै बिकेट गुमाई ६० रन बनाएका थिए । यसैगरी असोज २५ र २६ गते महदेवा गाउपालिका स्थित महदेवामा दुई वटा विद्यालयमा महिला क्रिकेट खेलाडीहरू उत्पादन गर्न उद्देश्यले छात्राहरूलाई दुई दिने प्रशिक्षण तथा अन्तरक्रिया कार्यक्रमको आयोजना गरिएको थियो ।

उक्त प्रशिक्षण तथा अन्तरक्रिया कार्यक्रममा विद्यालयका ६० जना छात्रछात्राहरूलाई क्रिकेट खेल बारेमा सहजिकरण तथा अवसर बारेमा सप्तरी क्रिकेट संघका सदस्य तथा प्रशिक्षक धर्मेन्द्र चौधरीले गरेका थिए ।