Memo Khabar 
राजबिराज । वडा दशैकाे शुभअवसरमा सप्तरीकाे राजबिराज स्थित राजदेबी राईजिंग क्रिकेट कल्वका पुर्व खेलाडीहरूले मैत्रीपुर्ण टि-२० क्रिकेट खेलकाे आयाेजना गरिएकाे छ ।
बुधवार राजबिराजकाे राजदेबी माबि खेलमैदानमा क्लवका पुर्व खेलाडीहरू बिच भेटघाट, मित्रमिलन स्वरूप प्रत्येक बर्ष मैत्रीपुर्ण खेल सँगै मित्रमिलन कार्यक्रमकाे अायाेजना गरी मनाईदै आएकाे छ ।
तत्कालिन सप्तरीकै प्रतिष्ठित क्लवहरू मध्ये यस राजदेबी क्रिकेट कल्वले जिल्ला क्षेत्रिय देखि राष्ट्रिय प्रतियाेगिताहरूमा धेरै खेलाडीहरू सहभागिता जनाईएकाे छ ।
हालै नेपाल क्रिकेट सँघका केन्द्रीय सदस्यमा निर्वाचित अायुष श्रेष्ठ, सप्तरी क्रिकेट सँघका सचिव चन्दन यादब, सदस्य जगरनाथ साह राजेश झा, सन्ताेष मण्डल लगायत दर्जनाै खेलाडीहरूले यस क्ल्ववाट जिल्ला तथा क्षेत्रिय, राष्ट्रिय प्रतियाेगिता प्रतिनिधित्व गरिसकेका छन ।
स्थानिय राजदेबी खेलमैदानमा टस जितेर राजदेबी ब्लुले राजदेबी स्काई ब्लुलाई ५६ रनले पराजित गरेका छन ।
टस जितेर बुलु टिमले निर्धारित २० ओभरमा १० बिकेट गुमाएर २ सय ६ रनकाे याेगफल खडा गरेका थिए ।
जसमा सनम देवले उत्कृष्ट ब्याटिंग गर्दै ४४ रन, नितियान्नद यादबले ३७, पुष्कर झा २०, बिनाेद रजक १८ रन, बैजु देव र सन्ताेष मण्डल समान १६/१६ रन, बिजेन्द्र राउत ११ रन जाेडेका थिए ।
जवाफमा राजदेबी बुलु टिमले निर्धारित २० ओभरमा सबै बिकेट गुमाई १ सय ५० रन बनाएका थिए ।
टिमका लागी उत्कृष्ट ब्याटिंग गर्दै चन्दन कुमार यादबले सर्वाधिक ३७ रन, श्यामु राय १९, अायुष श्रेष्ठ १३ सन्दिप देव र पंकज झा, सतिश झाले समान ७/७ रन बाहेक अन्य खेलाडी रन बनाउन सकेन ।
खेलकाे म्यान अफ दि म्याच बुलु टिमका सनम देव घाेषित भएकाे राजदेबी राईजिंग क्रिकेट क्ल्वका अध्यक्ष चन्दन कुमार यादबले जानकारी दिए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |