चन्दन यादब 
राजविराज । सप्तरी निर्वाचन क्षेत्र -२ बाट निर्वाचित संघीय सांसद डा. चन्द्रकान्त राउत (सिके) ले सप्तरीमा निर्माणधिन राजबिराज बसपार्ककाे काम लथालिंग रहेकाे र अस्पतालकाे काम पूरा नगर्ने प्रवृति देखिएकाे बताएका छन ।
बिहिवार ५ सदस्यीय संघीय संसदीय उपसमितिले सप्तरीका निर्माणधिन आयोजनाहरुको अनुगमन गर्ने क्रममा सासंद राउतले साे कुरा बताएकाे हाे । गत बर्षमै बर्षबसपार्ककाे काम सुसम्पन्न गरी स्थानातरण गर्नुपर्नेमा अबस्थामा जग्गाकाे बिवाद देखाएर कामलाई लथालिंग बनाउने र समय लम्बयाउने नियत देखिएकाे बताए ।
उनले भने गजेन्द्र नारायण सिँह अस्पतालकाे काम पूरा नगर्ने प्रवृति कारण दुई/ चार महिना सम्पन्न गर्नुपर्नेमा हेलचक्राई गरेकाे बताउदै दुई महिनामा काम सम्पन्न गर्न ठिकेदारलाई निर्देशन दिएकाे भने समयमा काम नभए ब्लायाक लिष्टमा राख्ने चेतावनी दिएका छन ।
संसदीय पूर्वाधार विकास समितिको निर्णायानुसार उनीहरूले जिल्लामा निर्माणाधिन अवस्थामा रहेकाे राजविराजस्थित बसपार्क, सपिङ्ग कम्पेलेक्स, गजेन्द्र नारायण सिँह अस्पतालमा स्थलगत निरिक्षण गरी अाबश्यक निर्देशन दिएका छन ।
टाेलीका संयाेजक समेत रहेकाे डा राउतले हटिया क्पलेक्समा मुल ठेकेदारकाे ठुलाे लापरवाही, डिजाईनमा लापारवाही ऋृटी रहेकाे कारण हटिया ब्यापारीहरूले दुख पाएकाेले डिजाईनलाई सच्चयाएर काम चाडाै सम्पन्न गर्न निर्देशन दिएकाे छ ।
यसैगरी हुलाकी राजमार्ग अन्तर्गतको राजविराज-पकली कन्चनपुर सडक खण्ड, कठौना- पातो सडक खण्ड, बलान नदीदेखि राजविराजसम्मको सडक खण्ड, रुपनी- राजविराज- हनुमाननगर सडक खण्ड, राजविराज-छिन्नमस्ता सडक, रुपनी कटैया छिन्नमस्ता सडक, भारदह डेढहा- पकरी सडक, इनरुवा- तिलाठीकोइलाठी सडक आयोजनाको स्थलगत अनुगमन गरेका हुन् ।
बिहिबार बिहान राजविराजस्थित निर्माणधिन बसपार्क, सपिङ्ग कम्पेलेक्स तथा गजेन्द्रनारायण सिंह अस्पतालमा निर्माणधिन भवनहरूको अनुगमन पश्चात संचारकर्मीहरुसँग कुराकानी गर्दै उपसमितिको संयोजक राउतले मुल ठेकेदारहरुको लापरवाहीको कारण निर्माणमा ढिलाई भएको बताए ।
‘मुल ठेकेदारहरुको लापरवाहीले आयोजनाहरु तयार हुनुमा विलम्व भएको हो,’ उनले भने, ‘अस्पतालको भवन, सपिङ्ग कम्पलेक्समा काम भएको छ सही तरिकाले काम गरियो भने दुई तीन महिनामा काम पुरा हुन्छ ।’
उनले संसदीय अनुगमन समिति आइरहेको बुझ्दा समेत मुल ठेकेदार निर्माण स्थलमा नरहेकोप्रति आक्रोश व्यक्त गरे । उनले भने, ‘अनुगमन टोली आइरहेको बुझेपनि उनीहरू आएनन्, चरम लापरवाही देखाएको छ ।’
अगाडिको कारबाही सम्बन्धमा संयोजक राउतले समितिमा प्रतिवेदन पेश गरि ठेकेदारसँग छलफल गर्ने बताए ।
उनले भने, ‘संसदीय समितिमा प्रतिवेदन पेश गर्ने छौँ, ठेकेदारसँग बसेर छलफल गर्ने छौँ, त्यसपछि पनि काम गर्न लापरवाही गरे कारबाही अगाडि बढाउ छौँ, कालोसुचीमा राख्न सिफारिस गर्छौं।’
अनुगमन टोलीमा सप्तरी -३ बाट निर्वाचित सांसद दिनेश यादव, सांसदहरु निशा डाँगी, विना लामा, सुशिला श्रेष्ठ रहेकी थिइन् ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |