आन्दोलनको पाँचौ दिन : प्रतिष्ठान निर्माणको माँग गर्दै सीडीयो कार्यालयमा धर्ना

राजबिराज । सप्तरी युथ नेपालले रामराजाप्रसाद सिंह स्वास्थ्य विज्ञान प्रतिष्ठानको काम अविलम्ब सुचारूको माँग गर्दै सीडीयो कार्यालयमा धर्ना दिइदै प्रदर्शन गरेका छन् ।

बिहीवार सप्तरी युथको अगुवाइमा जिल्ला प्रशासन कार्यालय राजबिराजमा धर्ना दिइदै रामराजाप्रसाद सिंह स्वास्थ्य विज्ञान प्रतिष्ठानको अध्यक्ष अविलम्ब नियुक्ति गर्न माग गरेको छ ।

सप्तरीको विकासको निम्ति सप्तरीवासी र राजनीतिक भन्दा एक कदम अगाडि बढी एकजुट भएर दवाव सृजना गर्नुपर्नेमा धर्नामा बसेकाहरूले जोड दिएका छन् ।

आन्दोलन समितिका अध्यक्ष सत्येन्द्र यादवको अगुवाइमा बसेको धर्नामा राजबिराज नगरपालिकाको प्रवक्ता तथा वडा न ८ का वडा अध्यक्ष जय नारायण मण्डलले प्रतिष्ठान निर्माणले पूर्णता पाएमा मधेस प्रदेश नै यसबाट लाभान्वित हुने भएकोले यो जुन रूपमा भए पनि यथास्थिति सुचारू गर्नुपर्ने जोड दिए ।

आन्दोलन समितिका संयोजक सत्येन्द्र यादवले यसको लागि हामी एक भएर अगाडि बढनुको विकल्प बाहेक अरु केही पनि नरहेको बताए ।

 सप्तरी युथ नेपालका सदस्य मुस्तकिन आलम बसन्त यादव, रितेस साह, सुरज यादब लगायत युवाहरूले बोलेका थिए । यस अगाडि बुधवार दिउसै लाइट बालेर स्वास्थ्य मन्त्रालयमा रोकिए को फाइल लाई अगाडि बढाउन जोरदार माग गरेका छन् ।