बसले तिन पांग्रे अटोलाई ठक्कर दिँदा ३ जना घाईते

राजविराज । बसले तिन पांग्रे अटोलाइ ठक्कर दिँदा अटोमा सवार ३ जना घाइते भएका छन् ।

इलाका प्रहरी कार्यालय रुपनीका अनुसार अग्नीसाईर कृष्णासवरन गाउँपालिका- २ चाँदनी बजार स्थित पूर्व पश्चिम राजमार्गमा पूर्व बाट पश्चिम तर्फ जाँदै गरेको ना. ५ ख ६७२ नम्बरको बसले प्र-२-००१ ह ०८५८ नम्बरको अटोलाई ठक्कर दिएको हो ।

दुर्घटनामा सिरहा सुखीपुर नगरपालिका-८ का अटो चालक बर्ष ४० को पुल्कित चौधरी र सोही अटोमा सवार धनगढी नगरपालिका २ की रुबि पासवान र उनको १७ महिनाका छोरा घाइते भएका छन् ।

घाइते आमा-छोराको स्थानीय स्वास्थ्य संस्थामा उपचार पश्चात् घर फर्किएको तथा अटो चालक चौधरीको उपचारका लागि युनिक अस्पताल रायपुर पठाइएको र ठक्कर दिने बस र चालक इलाका प्रहरी कार्यालय रुपनीको नियन्त्रणमा रहेको  प्रहरीले जनाएको छ ।