कंकालिनी मन्दिर नजिकै रहेको पोखरीमा फेला पर्यो गोही

राजविराज । सप्तरीको  हनुमाननगर कंकालिनी नगरपालिकामा पाँच फिटको एउटा गोही फेला परेको छ ।

कंकालिनी नगरपालिका वडा नम्बर -१ भारदहस्थित कंकालिनी मन्दिर नजिकै रहेको पवन मण्डलको माछा पोखरीमा अन्दाजी ३५ किलो र लम्बाइ ५ फिटको गोही बिहीबार दिउँसो फेला परेको सप्तरी प्रहरीले जनाएको छ ।

उक्त गोही कोशी टप्पु वन्यजन्तु आरक्षण टोलीलाई जिम्मा लगाई पठाइएको जिल्ला प्रहरी कार्यालय, राजविराजले जनाएको छ ।