चन्दन यादब 
राजबिराज । सप्तरीमा खेलाडी उत्पादन सँगै बिधालय स्तरवाटै क्रिकेट प्रति आकर्षण बढाउन राजबिराजमा बृहत् निशुल्क क्रिकेट प्रशिक्षण मेगा क्याम्प सुरू गरिएकाे छ ।
आईतवार सप्तरी क्रिकेट सँघ र सबल नेपालकाे संयाेजन तथा नेपाल क्रिकेट फाउन्डेशनकाे सहयाेगमा राजबिराज स्थित पविमाबि खेलमैदानमा ग्रास रूट क्रिकेट काेचिगं मेगा क्याम्प आयाेजना गरिएकाे हाे ।
मंसिर १७ देखि २१ सम्म संचालन हुने शिविरमा पहिलाे दिन जिल्लाभरीका १५ वटा बिधालयका २ सय ५० भन्दा बढी छात्रछात्राहरूले सहभागीता रहेकाे छ ।
उक्त क्रिकेट प्रशिक्षणमा आईसीसी मान्यता प्राप्त ६ जना बिदेशी काेच( लेवल १,२,३) र नेपालका १ जना प्रशिक्षक( लेवल ३ ) वाट अाधारभुत क्रिकेटकाे ज्ञान, सीप, प्रशिक्षण, शारिरिक ब्याम, अतिरिक्त क्रिकेट सीप, आधारभुत अम्पायर र स्काेरिंग सम्बन्धी जानकारी समेत दिने सबल नेपालका कार्यक्रम संयाेजक राेशन मण्डलले जानकारी दिए ।
सामुदायिक विद्यालयका छात्रालाई तल्लो तहदेखि र महिला क्रिकेट उत्थानका लागी छात्राहरुलाई क्रिकेटको प्रशिक्षण तथा प्रतियोगिता आयोजना हुन लागेकाे प्रतियाेगिता संयाेजक आशिष गुप्ताले जानकारी दिए ।
विद्यालयहरूमा क्रिकेट खेल्ने वातावरण समेत बन्न लागेकाे र नयाँ खेलाडी उत्पादन हुनुका साथै खेलाडीमा खेलप्रति जागरुक एवं आत्मबल वृद्धि हुने सप्तरी क्रिकेट सँघका अध्यक्ष अायुष श्रेष्ठले जानकारी दिए ।
आइसिसिकी सदस्य सारा वेगले नेपालका छात्रालाई क्रिकेट प्रति उत्साह तथा सिप प्रदान गर्नु कार्यक्रमको मुख्य उद्देश्य रहेको जानकारी दिइन् ।
उनले विगतदेखि यस क्षेत्रमा सारा वेग मार्फत छात्राहरुलाई खेल सामाग्री सहयोग गर्नुका साथै फरक ढङ्गबाट दिएको प्रशिक्षणबाट अन्तर्राष्ट्रिय रुपमा खेल्ने खेलाडीहरु तयार भएको उदाहरण रहेको बताइन् ।
सप्तरीकाे राजबिराज नगरपालिका, सुरूगां नगरपालिका र खडक नगरपालिकामा छात्रा क्रिकेट खेलाडी उत्पादन गरिरहेको छ ।
दुई हप्तासम्म क्रिकेट विथ आउट बाउण्डरीका पदाधिकारी तथा प्रशिक्षकहरूले प्रशिक्षण दिने बताइएको छ ।
छात्राहरुलाई क्रिेकेटप्रति जागरुक गराउन एवं प्रशिक्षण दिन आइसिसिबाट अलि मेकरेडी, गोलाण्ड हरिस, साकिव मिहास, सारा बेग, काज मिलहाल, रव वेली,आएका छन् ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |