चन्दन यादब 
सप्तरी । राजगढ गाउँपालिकाले आफ्नो नयाँ भवनको उदघाटन गर्दै कार्यालय संचालनमा ल्याएकाे छ ।
आइतबार गाउँपालिका अध्यक्ष ओमप्रकाश मण्डलले एक कार्यक्रम बिच नवनिर्मित भवनकाे रिवन काटेर उदघाटन गरेको हाे ।
गाउँपालिकाकाे वडा नम्बर ३ स्थित कुल ५ कठ्ठा १४ धुर क्षेत्रफलमा ११ काेठाकाे दुई तल्ले नवनिर्मित भवन पाँच कराेड ५० लाख लागतमा तयार भएको गाउँपालिकाका इन्जिनियर अजाय यादवले जानकारी दिए ।
उक्त भवनको डिपिआर ४ तल्लेकाे भए पनि तत्काल गाँउपालिकाले दुई तल्लाकाे मात्रै टेन्डर गरेकाे थियोे ।
भवन निर्माणकार्यकाे काम थालेको २ वर्ष ६ महिनामा पुरा गरेपनि तुलसी भक्त कंसटक्सनका प्रतिनिधि दिपेन्द्र यादवले आज उदघाटन समाहराेका बिच गाउँपालिका अध्यक्ष ओैमप्रकाश मण्डललाई भवन हस्तान्तरण गरेको छ ।
भवन उदघाटन समारोहमा गाउँपालिकाकाे उपाध्यक्ष रेणु कुमारी मण्डल, ६ वटै वडाका वडा अध्यक्षहरु, कर्मचारी, राजनीतिकर्मी लगायत स्थानीयहरुकाे सहभागीता रहेकाे थियाे।
उक्त भवनको लागि जग्गा दाता निर्वतमान गाउपालिका अध्यक्ष परमान्द यादवले दान दिनुभएको थियाे।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |