१५ औं यशोदा स्मृति दिवसमा भलिबल प्रतियोगिता

राजबिराज । सप्तरीका उत्कृष्ट निजी विद्यालय मध्ये लिटिल फलावर माबि राजबिराज- २ ले १५ औ यशोदा स्मृति भलिबल रनिङ शिल्ड तथा च्याम्पियन सीप वार्षिक स्पोर्ट मिटको प्रतियोगिताको आयोजना गरिएको छ ।

शुक्रवार एक कार्यक्रम बिच सप्तरी क्रिकेट सँघका सचिव चन्दनकुमार यादब र समाजसेवी महेश ठाकुरले संयुक्तरूपमा भलिबल उचालेर प्रतियोगिताको शुभारम्भ गरेका थिए ।

कार्यक्रममा विद्यालयका संस्थापक डा. कमानन्द देवले शैक्षिक स्तरलाई मजबुत बनाउन मानसिक, शारीरिक स्वास्थ्यका लागि खेलकुद गतिविधि अन्तर्गत भलिबल प्रतियोगिता संचालन गर्दै आएको बताए ।

डा. देवले स्व. आमा यशोदा देवी देवको सम्झनामा प्रत्येक बर्स रनिङ शिल्ड प्रतियोगिता अन्तर्गत विद्यालय भित्रकै विद्यार्थीहरू बिच भलिबल सँगै एथलेटिक्स प्रतियोगिताको आयोजना गरिएको छ ।

शिक्षाको महत्व खेलकुदले पनि बढाउने भएकोले शैक्षिक स्तरलाई माथि उठाउन वार्षिक क्यालेन्डर अनुसार गतिविधि गर्दै आएको विद्यालयका अध्यक्ष सान्डली देवी देवले बताइनँ ।

भलिबल प्रतियोगितामा छात्र तर्फ एलो प्रथम र बुलु दोस्रो र छात्रा तर्फ एलो प्रथम र ग्रीन दोस्रो स्थान प्राप्त गरेका थिए । दुबै समुहमा प्रथम स्थान प्राप्त गर्ने टिमलाई १ हजार ५ सय र दोस्रो हुने टिमलाई १ हजार नगद सहित शिल्ड, कप र मेडल र प्रमाणपत्रबाट पुरस्कृत गरेका थिए ।

कार्यक्रममा विद्यालयका अभिभावक, विद्यालयका शिक्षक र शिक्षिका तथा छात्रछात्राहरूको उपस्थिति रहेको थियो।