बढदौ शितलहरका कारण जनजिवन कष्टकर, दाउरा बाल्ने ब्यबस्थापन गर्ने निकाय मौन

राजविराज । विगत एक सातादेखि बढदो शितलहरका कारण राजबिराज सहित सप्तरीको जनजिवन प्रभावित बन्दै गएको अबस्था दाउरा बाल्ने ब्यबस्थापन गरेको देखिदैन ।

नगरका जनप्रतिनिधिहरूले जनता प्रति उतरदायी नभई शितलहरका कारण सर्वसधारण कठंग्रिनु पर्ने बाध्य छन । यस बिपत बेलामा नगरवाट प्रत्येक बस्ती, टोलहरूमा दाउरा बाल्न प्रबन्ध गर्ने अति आबश्यक छ, तर जनप्रतिनिधिहरू जनताको जीवन, स्वास्थ गम्भीर नभएको समाजसेवी रामदेव यादब बताउछन।

यता कावा नगर प्रमुख ईसरत परविणले दुईरचार दिनमा नगरपालिका प्रत्येक ठाउँ ठाउँमा काठको शिल ब्यबस्थापन गरी आगौ बाल्ने बताईन । राजबिराज मुख्य सडक गजेन्द्र चौक, नेता चौक, तेतरी गाछी, राजदेबी चौक,कुनौली, रूपनी मोड सहितका ठाउहरूमा जाडोले खासगरी वृद्धवृद्धा, बालबालिका, अशक्त तथा विरामी मानिस हैरानीमा परेका छन् भने किसानको काम प्रभावित बनेको छ ।

कार्यालयमा काम गर्ने कर्मचारीलाइ समेत कठिन बनाएको छ । स्कुले बालबालिका हैरानीमा परेका छन् । तराईमा बर्षेनी हुने शितलहर, बाक्लो हुस्सु र बढदो चिसोले कठ्यांग्रिएर मान्छे मर्ने गरेको घटना नौलो रहेन तर पनि वर्षेनी धेरैले ज्यान गुमाउन बाध्य हुनु परेको छ ।

स्थानीय तहको निर्वाचन पश्चात जनताको अपेक्षा स्थानीय सरकारसंग नजिकिएको छ । स्थानीय सरकारले नजिकबाट जनताको समस्या नियाल्ने छ र समाधान गर्नेछ भन्ने आशा निराशामा परिणत हुन थालेको छ । न्युन आय श्रोत भएका परिवार र दलित बस्तीका वृद्धवृद्धा, बालबालिका, अशक्त तथा विरामी मानिस हैरानीमा परेको अवस्था छ ।

हनुमाननगर नगरपालिका, कंचनरूप नगरपालिका, छिन्मस्ता गाउपालिका, तिरहुत गाउपालिका, तिलाठीकोईलाडी सहित अन्य स्थान समेतमा जनजीवन प्रभावित भैरहदा स्थानीय तहबाट कुनै प्रयास नगरिएको जनगुनासो छ ।

मुसहरबस्तिका साथै, अन्य स्थानमा बसोबास गरेका दलितका साथै कमजोर आयश्रोत भएका विपन्न परिवार समेत प्रभावित हुन थालेको छ।

बढदो जाडोमा जीवन बचाउन गाह्रो भैरहेको यस अवस्थामा न्यानो कपडाको व्यवस्था हुनुपर्ने अति आबश्यक देखिन्छ ।

गाउंपालिकाले ठाउंठाउंमा दाउराको व्यवस्था गरी आगो बाल्ने समुचित प्रबन्ध मिलाउनुपर्ने छ । जनजिवन प्रभावित भई आम जनताको स्वास्थ्यमा समेत नकारात्मक असर पर्दै गएको छ ।

जाडोले किसानहरुलाई खेतमा काम गर्न कठिनाई भैरहेको छ भने ज्याला मजदुरी गर्ने श्रमिक र जागिर गर्ने कर्मचारीहरु समेतलाई चिसोले काम गर्न अप्ठयारो भईरहेको छ । बढदो जाडोका कारण किसानहरु कामधाम छोडी दिनभरि आगो ताप्नमा बिताउने गरेको पाइएको छ ।

जाडोले हात खुटा कठन्ग्रिएर काम गर्न अति नै कठिनाई भैरहेको अधिकांश किसान एवं श्रमिकहरु गाउँगाउँमा दाउराको आगोबाली आगो तापेर दिन बिताईरहेका छन् ।