अध्यक्ष उपेन्द्र यादव द्वारा नवनिर्मित ईन्जिनियरिंग कलेज भवनकाे उदघाटन

राजबिराज । जनता समाजवादी पार्टी (जसपा) नेपालका अध्यक्ष एवं पूर्व उपप्रधानमन्त्री उपेन्द्र यादवले ईन्जिनियरिंग कलेजकाे नवनिर्मित भवनकाे उदघाटन गरेका छन्  ।

मंगलबार राजविराज नगरपालिकाद्वारा आयोजित नवनिर्मित भवनकाे उदघाटन तथा हस्तान्तरण कार्यक्रमका प्रमुख अथिति जसपा नेपालका अध्यक्ष यादवले भवनको उद्घाटन गरेका हुन् ।

यादव सप्तरी २ बाट प्रतिनिधि सभा सदस्य पदमा निर्वाचित हुँदा उनकै संसदीय काेषबाट याे भवन निर्माण भएको थियो ।

कार्यक्रममा जसपा नेपालका अध्यक्ष उपेन्द्र यादबले युग अनुसारकाे गुणस्तरिय शिक्षामा जाेड दिनुपर्नेमा बताए ।

शिक्षाले हरेक किसिमकाे समस्यालाई सामाधान गर्ने सक्ने साधन भएकाेले शिक्षामा लगानी लगाउनु पर्ने बताउदै, जसले ठुलाे परिवर्तन ल्याई जिवनमा ठुलाे परिवर्तन ल्याउने बिश्वास ब्यक्त गरे । नेपालकाे अहिले शिक्षा क्षेत्र अस्तब्यत भएकाेले शिक्षामा परिवर्तन ल्याउन स्कुल, बिश्वबिधालयकाे शिक्षामा सुधार ल्याउनुपर्नेमा जाेड दिए ।

शिक्षामा देखिएकाे चुना‌ैतीकाे सामना र सामाधान नभए सम्म नेपालकाे बिकास सम्भव हुन नसक्ने बताए । बिकसित मुलुक बनाउन बेहतर शिक्षाकाे आबश्यकता सँगै कृषी, उधाेग, बिज्ञान प्रविधिमा परिवर्तन ल्याउनु आबश्यक छ ।

भवनभित्र ४ कक्षा काेठा, ल्याब काेठा ३, पुस्तकालय काेठा, क्याबिन, एडमिन हेड, रिसेप्सन र प्रतीक्षा कक्ष, शिक्षक कोठा रहेको छ ।

६ कराेड २७ लाख ८७ हजार ठेक्का रकम रहेकोमा रु ४ करोड ६१ लाख २९ हजार ९८० मा सेफ स्टील कम्पनी चितवनले २०७७ जेठ ९ गते ठेक्का लिएको थियो ।

उक्त अवसरमा प्रतिनिधि सभा सदस्य रंजु ठाकुरले ईन्जिनियरिंग कलेजकाे भवन निर्माणले यस क्षेत्रका ईन्जिनयरिंग पढन चाहने बिधार्थीहरूकाे लागि ठुलाे फाईदा पुग्ने बिश्वास ब्यक्त गरे ।

पुर्व मन्त्री रेणु यादबले गरिव किसानकाे छाेराछाेरी साईकल चढेर ईन्जिनियरिंग पढन आउने छ, यस कलेजवाट सप्तरीवासी लाभान्वित हुने बताईन । सप्तरीकाे बिकासकाे लागि सबैकाे खुशीकाे सबैकाे साथ सबैकाे बिकास नितिले अगाडि बढे मात्र हुने बिश्वास ब्यक्त गरिन ।

मबिव क्याम्पस राजबिराजका क्याम्पस प्रमुख राजिव झाले भवन निर्माणले मात्र हुदैन, स्वीकृत पुर्व ल्याव, पुस्तकालय र घेरबेर गर्नु अति आबश्यक रहेकाे बताए ।

उदघाटन कार्यक्रममा मधेश प्रदेश पुर्व मन्त्री शैलेन्द्र प्रसाद साह, मधेश प्रदेश सभा सदस्य मनिष सुमन, जिसस प्रमुख शिवनारायण साह, जसपा सप्तरी अध्यक्ष केदार यादब, राष्ट्रिय स्वतन्त्र पार्टी नगर सभापति खेलानन्द दास, नेकपा एमाले का अखिलेश झा, स्ववियु अध्यक्ष रंजित यादब, नेपाल पत्रकार महासँघ सप्तरी अध्यक्ष श्रवण देव, प्रेस मंचका अध्यक्ष भूषण सिँह लगायतले  मन्तब्य दिएका थिए ।

राजबिराज नगरपालिका कावा नगर प्रमुख ईसरत परबिनकाे अध्यक्षतामा आयाेजित उदघाटन कार्यक्रम स्वागत मन्तब्य राजबिराज वडा २ का अध्यक्ष अरूण यादबले गरेका थिए ।