पालिका स्तरिय कपमा : सकरपुरा सेमिफाइनलमा प्रवेश 

राजबिराज । तिलाठीका गाउपालिका स्तरीय टि ट्वान्टी प्रतियोगितामा सकरपुरा विजय भएका छन । शुक्रवार कट्टी मा.बि खेलमैदानमा भएको खेलमा सकरपुराले को मधेपुरालाई ६८ रनले पराजित गर्दै बिजयी भए सँगै सेमिफाइनलमा प्रवेश गरेको हो ।

टस जितेर वडा ३ सकरपुराले १५ ओभरमा ६ बिकेटको क्षतिमा १ सय १० रनको योगफल खडा गरेका थिए । जसमा साकेत सिँह ३६ रन, अमित मण्डल २८ रन र अभय मण्डल १० रन बनाएका थिए ।

बलिंग तर्फ वडा ६ का सुमित साह २ बिकेट, ध्रुव यादब, अनिल यादब, बिक्रम यादबले १र१ बिकेट लिएका थिए । जवाफमा वडा ६ ले ११ ओभर ५ वलमा सबै बिकेट गुमाई ४२ रन मात्र बनाउन सकेका थिए । जसमा सुमित साहले अविजित २० रन बनाउनु बाहेक कुनै खेलाडी दोहोरो अंक पार गर्न सकेन ।

बलिंग तर्फ वडा ३ सकरपुराका अभय मण्डल, अमित मण्डल, कुनाल मण्डल २/२ बिकेट र साकेत सिँह १ बिकेट लिएका थिए । उक्त खेलको म्यान अफ दि प्लेयर अमित मण्डल घोषित भएका थिए ।

आजै सम्पन्न दोस्रो खेलमा वडा नम्वर ८ तोपाले वडा ४ कोईलाडीलाई १४ रनले पराजित गरेका छन । वडा ८ ले टस जितेर १९ ओभर ५ वलमा १ सय १ रनको योगफल खडा गरेका थिए ।

जवाफमा वडा ४ कोईलाडीले १५ ओभर ५ बलमा सबै बिकेट गुमाई ८७ रन मात्र बनाउन सकेका थिए । खेलको म्यान अफ दि प्लेयर संजिव कुमार यादब घोषित भएका थिए ।

भोलि पहिलो सेमिफाइनल वडा ५ र ७ तथा वडा ३ र वडा १ बिच हुने प्रतियोगिता संयोजक ज्ञानेन्द्र कुमार यादबले जानकारी गराएका छन्।