तिलाठी कोइलाडी पालिका कप सकरपुराले जित्यो

राजबिराज । तिलाठी गाउँपालिका स्तरीय टि ट्वान्टी क्रिकेट प्रतियोगिताको उपाधि सकरपुराले जितेको छ ।

आइतबार वडा ५ को. बरसाईन र वडा ३ सकरपुरा बिच भएको फाइनल खेलमा टस जितेर सकरपुराले ब्याटिंग गर्दै निर्धारित २० ओभरमा ७ बिकेट गुमाई १ सय १८ रनको योगफल खडा गरेका थिए ।

जवाफमा को.बरसाईनले १९  ओभर ५ बलमा सबै बिकेट गुमाई १ सय ११ रन मात्र बनाउन सकेपछि सकरपुरा ७ रनले विजय भएको हो ।

टस जितेर सकरपुराले १ सय १८ रन बनाएका थिए । जसमा अमित मण्डलले उत्कृष्ट ब्याटिंग गर्दै ३ छक्काको मदतले ४३ रन बनाएका थिए । त्यस्तै टिमका लागि साकेत सिँह १७ रन, राजकुमार मुखियाँ ११ रन जोडे ।

बलिंग तर्फ को। बरसाईनका गोलु राय ३, दिपेश मण्डल २ बिकेट तथा विशाल शर्मा,  दिपेश सरदार १/१ बिकेट हात पारेका थिए । जवाफमा को. बरसाईनले १९ ओभर ५ बलमा सबै बिकेट गुमाई १ सय ११ रन मात्र बनाउन सकेका थिए । जसमा सुभाष शर्माले ३३ दिपेश मण्डल २० रन, राहुल रजक १२ रन बनाएका थिए ।

बलिंग तर्फ सकरपुराका कुनाल मण्डल, प्रदिप मण्डलले उत्कृष्ट बलिंग तर्फ ३र३ बिकेट, बिजय मुखियाले १ बिकेट लिएका थिए । फाईनल खेलको म्यान अफ दि फाइनल प्रदिप मण्डल घोषित भएका थिए ।

प्रतियोगिताको वेस्ट ब्याटर प्रकाश मण्डल, बेस्ट बलर विशाल शर्मा, म्यान अफ दि सिरिज अमित मण्डल घोषित भएका लाई कप, प्रमाणपत्र प्रदान गरेका थिए ।

उक्त अवसरमा तिलाठी कोइलाडी गाउपालिका अध्यक्षता अरूण मण्डल, वडा ३ का अध्यक्ष रमेश मुखिया वडा ५ का अध्यक्ष ललन राउत, वडा ७ का अध्यक्ष हरि नारायण साह, सप्तरी क्रिकेट सँघका सचिव चन्दन कुमार यादब, प्रतियोगिता संयोजक ज्ञानेन्द्र कुमार यादब लगायतले शिल्ड, कप, मेडल, प्रमाणपत्र प्रदान गरेका थिए ।