तिलाठी कोइलाडीमा निजामती कर्मचारी समिति गठन

राजबिराज ।  तिलाठी कोइलाडी गाउँपालिकामा शनिवार नेपाल निजामती कर्मचारी संगठनको पालिका स्तरीय समिति गठन गरिएको छ । 

स्वास्थ्य चौकी को बर्साइनका प्रमुख मनोज प्रसाद देवको अध्यक्षतामा ११ सदस्यीय समिति गठन गरिएको हो । समितिको उपाध्यक्षमा संगीता कुमारी साह , सचिवमा राजकुमार मण्डल कोषाध्यक्षमा मनोज कुमार मण्डललाई सर्वसम्मतले चयन गरिएको छ ।

यसैगरी सदस्यमा दिपक कुमार साह, विष्णुदेव साह, जयप्रकाश साह, रामसेवक मण्डल, पप्पु राम, दिपा मिश्र र रविन्द्र यादवलाई चयन गरिएको सङ्गठनका जिल्ला अध्यक्ष शैलेश कुमार मिश्रले जानकारी दिए ।

सङ्गठनका जिल्ला अध्यक्ष शैलेश कुमार मिश्रको अध्यक्षता तथा केन्द्रीय उपाध्यक्ष प्रभाष साहको प्रमुख आतिथ्यमा आयोजित उद्घाटन सत्रमा सङ्गठनका जिल्ला उपाध्यक्ष अनिता चौधरी राष्ट्र सेवक बहुमुखी सहकारी संस्थाका अध्यक्ष शत्रुधन दास सहितका ले शुभकामना व्यक्त गरेका थिए ।