कृषीको बिकास बिना मुलुकको बिकास हुनसक्दैन : अध्यक्ष यादब

राजबिराज । जनता समाजवादी पार्टी (जसपा) नेपालका केन्द्रीय अध्यक्ष उपेन्द्र यादबले कृषिको विकास मुलुकको विकास हुन नसक्ने बताएका छन् ।

शनिवार राजबिराजमा आयोजित समाजवादी किसान महासंघ केन्द्रीय कार्यसमिति द्वारा मधेश प्रदेश स्तरीय अगुवा किसान भेला तथा पुर्न गठन कार्यक्रमका सो कुरा बताएको हो ।

राज्यले कृषि क्षेत्रलाई उपेक्षा गरेकै कारण कृषिमा अपेक्षित उपलब्धि हासिल गर्न नसकेकोले राज्यले कुल बजेटको २५ प्रतिशत लगानी लगाउनुपर्नेमा जोड दिए । राज्यको द्वारा गरी नीति योजना र आग्रह पूर्वाग्रह कारण कृषि क्षेत्र उपेक्षित बन्न पुगेकोले कृषिको आधुनिकीकरण गर्नुपर्ने बताए ।

कृषि क्षेत्रको विकासको लागि सिँचाइ, समयमा मलखाद, किसानलाई सहुलियत दरमा श्रृणको ब्यवस्था गरी विज्ञान र प्रविधि वाट उत्पादन गरि  उत्पादनमा बृद्वि गर्न सकिने मा जोड दिए । किसानले आफ्नो हकहितको लागि सङ्गठित भई किसानको समस्याको लागी उचित न्याय, मूल्य निर्धारणका लागि सङ्गठित भएमात्र कृषि र किसानको विकास हुन सक्नेमा जोड दिए ।

कार्यक्रममा बोल्दै अध्यक्ष यादवले चुरे क्षेत्रमा उत्खनन गरि गिट्टी, बालुवा विदेश निर्यात गरि बन विनाश गर्दा पानीको सतह गहिरो हुँदै गएकोले निकट भविष्यमै किसानहरूले सिँचाइको ठूलो मार खेप्नुपर्ने बताए ।  चुरे विनाशले तराई मरुभूमिमा परिणत हुने अवस्थामा पुगेको र पानीको श्रोत विस्तारै सुक्दै गएको प्रति चिन्ता व्यक्त गर्दै उनले चुरे संरक्षण नहुने हो भने त्यसको प्रत्यक्ष प्रभाव पशुपालन र कृषि क्षेत्रमा पर्न गइ किसानले आत्महत्या गर्नुपर्ने दिन आउन सक्ने बताए । 

कृषि उर्वर भूमि मधेश मरुभूमिमा परिणत भई पानी खान नपाएर पशुचौपाया मर्न थाल्ने र त्यसको मार किसानहरूले खेप्नुपर्ने बताउँदै  अध्यक्ष यादवले पर्यावरणलाई सन्तुलन राख्न चुरे संरक्षणमा जोड दिए । उनले राज्यको विभेदकारी नीतिका कारण कृषि क्षेत्र पछाडि परेकोले कृषि नीतिमा पुरै परिवर्तन नभएसम्म कृषि क्षेत्र समृद्ध र सबल नहुने टिप्पणी गरे ।

देशका ८० प्रतिशत जनता कृषिमा पेशामा छन्, तर राज्यले ४-५ प्रतिशत मात्र कृषिमा बजेट विनियोजन गर्छन् , उनले भने, राज्यले किसान र कृषि क्षेत्रलाई  महत्त्व नदिँदा कृषि क्षेत्र ध्वस्त हुन पुगेको छ । अध्यक्ष यादवले कृषि उत्पादन बढाउन र कृषिमा आत्मा निर्भर बन्नका लागि राज्यले लगानी बढाउनु पर्नेमा जोड दिए । कृषिमा लगानी कम हुँदा सिँचाइ, मलखाद, बिउबिजन जस्ता किसानहरूले अहिले अभाव खेप्नुपरेको उनको भनाइ छ ।  वर्तमान कृषि नीतिले किसानले सोचेजस्तो उत्पादन लिन नसक्ने दाबी गर्दै अध्यक्ष यादवले जमिनलाई चकलाबन्दी गरि कृषिमा आधुनिकीकरण गर्दै विज्ञान, प्रविधि र आधुनिक उपकरणको प्रयोग गरि उत्पादन बढाउन राज्यको कृषि नीति परिवर्तन गर्नुपर्नेमा जोड दिए ।

कृषि उत्पादनमा ह्रास आउँदा त्यसको असर उद्योग व्यवसायमा समेत पर्न गएको छ, अध्यक्ष यादवले भने, उद्योग व्यवसाय बर्बाद भएको छ, राज्यको गलत नीति र किसानप्रति आग्रह पूर्वाग्रहले कृषि क्षेत्र उपेक्षित भएको छ । मुलुकमा रहेको अभाव र बेरोजगारी समस्या अन्त्य गर्न कृषि, शिक्षा र स्वास्थ्य क्षेत्र समृद्ध र सम्पन्न बनाउनुपर्ने उनको जोड थियो । अध्यक्ष यादवले ३०-३५ वर्ष पहिले बंगलादेश, कोरियासहितका अन्तर्राष्ट्रिय मुलुकमा कृषि उपज निर्यात गर्ने नेपालले अहिले लसुन, प्याज र खाद्यान्न भारत सहितका छिमेकी मुलुकबाट आयात गर्नुपर्ने स्थितमा पुग्नु दुर्भाग्य भएको बताए । 

अध्यक्ष यादवले सरकारको स्वामित्वमा रहेको दुग्ध विकास परियोजनाले किसानहरूलाई करोडौं भुक्तानी रोकी ठगिरहँदा समेत सरकार गम्भीर नभएको भन्दै आक्रोश व्यक्त गरे । उनले आन्दोलनरत किसानहरूको समस्या समाधानका लागि सरकारको ध्यानाकर्षण समेत गराए । 

उनले किसानको समस्या बुझ्ने कोहि नभएकोले संगठित भएर संघर्ष गर्नुको विकल्प नरहेको बताए । कृषि क्षेत्रमा देखिएको वेथिती र विभेद तथा भेदभाव विरुद्ध गोलबद्व हुन  उनले किसानहरुलाई आग्रह गरे । जनता समाजवादी पार्टी मधेश प्रदेश अध्यक्ष बालकिशोर यादवले किसानहरुको समस्याप्रति राज्य उदासीन देखिएको बताए । 

कार्यक्रममा जसपा नेपालमा मधेश प्रदेश अध्यक्ष बालकृष्ण यादबले सिचाईको ब्यबस्था, सिचाईमा भेदभाव, आर्थिक रूपमा पछाडी पार्ने काम गरिएको बताए ।सरकारले कृषक लाई मल खाध दिन गम्भिर देखिएन, भुमीको उन्नयन र बिकासको लागी, समर्धन मुल्य तोक्नु आबश्यक रहेकोमा जोड दिए ।

समाजवादी किसान महासंघका केन्द्रिय अध्यक्ष संजय सिंहको अध्यक्षतामा आयोजित कार्यक्रममा जसपा राजनीति समिति सदस्य कैलाश यादव, केन्द्रिय सदस्यहरु विकास तिवारी, विदेश्वर प्रसाद यादव विक्की,शैलेन्द्र मोहन झा, सप्तरीका अध्यक्ष केदार प्रसाद यादव, समाजवादी महिला संघ सप्तरीकी  अध्यक्ष रमिलादेवी साह, राजविराज नगरपालिकाकी कार्यबाहक मेयर इसरत परविनलगायतकाले शुभकामना मन्तव्य व्यक्त गरे ।

समाजवादी किसान महासंघका केन्द्रिय उप-महासचिव तब्रेज अहमदद्वारा संचालित कार्यक्रममा स्वागत उपाध्यक्ष उम्म्देवर दासले गरे ।  दुइदिनसम्म जारी रहने भेलाले  मधेश प्रदेश स्तरीय समिति पुनर्गठन गर्ने राष्ट्रिय भुमी आयोग जिल्ला समिति सप्तरीका अध्यक्ष एवम् भेलाका प्रतिनिधि हरेराम यादवले जानकारी दिए ।