मलेठ घटनाको सम्झनामा मैनवती प्रज्ज्वलन 

राजबिराज । सप्तरीको मलेठमा सात वर्षअघि घटनामा मारिएका शहीदहरूको सम्झनामा मैनबती प्रज्ज्वलन गरिएको छ ।

बुधवार राजबिराज ९ स्थित मलेठमा सहिद स्तम्भमा सहिद परिवार र जसपा नेपाल सप्तरीले सहिदहरू प्रति श्रद्वान्जली अर्पण गर्दै मैनवती प्रज्ज्वलन गरिएको हो । जसपा नेपाल सप्तरी अध्यक्ष केदार यादब सहित युवा विद्यार्थीहरूले सहिद स्तम्भमा मैनवती प्रज्ज्वलन गरेका छन ।

 तत्कालीन मधेशी मोर्चा र नेकपा एमालेबीचको द्वन्द्वका कारण सिर्जित घटनामा सञ्जन मेहता, पीताम्बर मण्डल, आनन्द साह, वीरेन्द्र महतो र इनरदेव यादवको मृत्यु भएको थियो ।

२०७३ फागुन २३ गते एमालेले सञ्चालन गरेको तराई मधेश केन्द्रित मेची–महाकाली अभियानअन्तर्गत सप्तरीमा सभा गर्ने तयारी र सभा गर्न नदिने तत्कालीन मधेशी मोर्चाको अडानका बीच भएको झडपमा मलेठस्थित गजेन्द्रनारायण सिंह औद्योगिक क्षेत्र र बस्तीमा प्रहरीको गोली लागेर ५ जनाको मृत्यु भएको थियो ।

समाजवादी युवा संघ सप्तरीका अध्यक्ष केदार यादब, समाजवादी बिधार्थी युनियन संजय यादब, युवा निकट केन्द्रीय सचिव विशाल यादब, प्रदेश सचिव बिजय साह, युवा जिल्ला सचिव सुधिर यादब लगायतले शहीद स्तम्भमा मैनवती प्रज्ज्वलन गरेका थिए ।