पालिका स्तरीय टि-२० उद्घाटन खेलमा को.बरसाईन र मन्सापुर बिजयी

सप्तरी । तिलाठी कोइलाडी गाउपालिका स्तरीय टि-२० क्रिकेट प्रतियोगिताको उद्घाटन खेलमा को. बरसाईन र मंसापुर बिजयी भएको छ ।

उद्घाटनको पहिलो खेलमा तिलाठी कोइलाडी वडा ५ को. बरसाईनले वडा ४ कोईलाडीलाई ३८ रनले र वडा ७ मंसापुरले वडा ३ सकरपुरालाई ३५ रनले पराजित गर्दै बिजयी सुरुवात गरेका छन् ।

उक्त प्रतियोगिताको एक कार्यक्रम बिच तिलाठी कोइलाडी गाउपालिका अध्यक्ष अरुण मण्डल ब्याटिङ र वडा ५ का अध्यक्ष ललन राउतले बलिंग तथा वडा १ का अध्यक्ष दिनेश्वर मिश्रले किपिङ गरेर खेलको शुभ आरम्भ गरेका थिए ।

वडा ५ र ४ बिच भएको उद्घाटन खेलमा टस जितेर वडा ५ ले निर्धारित १५ ओभरमा १ सय २५ रनको योगफल खडा गरेका थिए भने जवाफमा वडा ४ ले १५ ओभरमा ६ बिकेट गुमाएर ८७ रनमै सीमित रहे ।

 जसमा वडा ४ का जितेन पासवानले ३१ रन र मौसम मण्डलले १७ रन बनाउँदै अविजित रहेपनि जितको लागि पर्याप्त भएन । यता वडा ५ बरसाईनका प्रकाश मण्डलले सर्वाधिक ४३ रन, सुभाष शर्मा १४ र राहुल रजकले अविजित १३ बनाएका थिए ।

बलिंग तर्फ वडा ४ का मौसम मण्डल ३ , परमेश्वर मण्डल २, रोशन मण्डल, दिपक मण्डल र मो गुडुले १/१ बिकेट लिएका थिए । वडा ५ का विशाल शर्मा ३ बिकेट, दिपक मण्डल २ र दिपेश सरदार १ बिकेट लिएका थिए ।

उक्त अवसरमा खेलको प्लेयर अफ दि म्याच घोषित विशाल शर्मालाई सप्तरी क्रिकेट सँघका सचिव चन्दनकुमार यादब र प्रतियोगिता संयोजक ज्ञानेन्द्र यादबले संयुक्त रूपमा कप प्रदान गरेका थिए ।

यसैगरी आजै सम्पन्न वडा ७ मन्सापुर र वडा ३  सकरपूरा बिच भएको दोस्रो खेलमा सकरपुरालाई ३५ रनले पराजित गर्दै मन्सापुर बिजयी भएका छन ।

टस जितेर वडा ७ मंसापुरले निर्धारित १५ ओभरमा ७ बिकेट गुमाई १ सय ४८ रनको योगफल खडा गरेका थिए। जसमा उत्कृष्ट ब्याटिङ गर्दै धिरज मण्डलले सर्वाधिक ५७ रन बनाएका थिए ।  यसैगरी दिपक मण्डल २३ र देवकी नन्दन मण्डल १६ रन बनाएका थिए ।

बलिंग तर्फ वडा ३ सकरपुराका अमित मण्डल ३ , राजु सिँह र कुनाल मण्डल १/१ बिकेट लिएका थिए । जवाफमा सकरपुराले १५ ओभरमा ९ बिकेट गुमाई १ सय १३ रन मात्र बनाउन सकेका थिए ।  जसमा राजकुमार मुखिया १८, बिजय मुखिया १७ अविजित र मुकेश मण्डलले १६ रन, नन्दन झा ११ रन बनाएपनि जित हात पार्न सकेन ।

बलिंग तर्फ वडा ७ मन्सापुरका देवकी नन्दन, धिरज मण्डलले समान्य २/२ बिकेट र चेतन यादब, राजकुमार मण्डल, दिपक मण्डल १/१ बिकेट लिएका थिए।

खेलको प्लेयर अफ दि म्याच धिरज मण्डल घोषित भएको प्रतियोगिता संयोजक ज्ञानेन्द्र कुमार यादबले जानकारी दिए । शनिवार स्थानीय कट्टी माविको खेलमैदानमा तिलाठी कोइलाडी गाउँपालिकाको आयोजना तथा सप्तरी क्रिकेट सँघ र एम्पायर तथा स्कोरर सँघको समन्वयमा पालिका स्तरीय प्रतियोगिता सुरु भएको हो ।

उक्त अवसरमा वडा २ का अध्यक्ष कमल कुमार  मण्डल, वडा ४ का अध्यक्ष मुनीलाल मण्डल, वडा १ वडा सदस्य चन्दन कुमार झा, पालिका योजना शाखा प्रमुख दिपक मण्डल, आईटी शाखा प्रमुख अवजित सिँह प्रशासन प्रमुख जिवछ लाल मण्डल, स्वास्थ शाखाका महेश साह, उमेश मण्डल, वडा ७ का वडा सचिव ब्रहमदेव मण्डल, वडा ८ का वडा सचिव सन्तलाल मण्डल, सप्तरी क्रिकेट सँघका उपाध्यक्ष निरज सिँह, क्रिकेट सँघका सचिव चन्दनकुमार यादब, संचारकर्मि भूषण सिँह, लगायतको उपस्थिति रहेका थिए ।